மைத்துனரின் பட்டத்தைப் பயன்படுத்தி மருத்துவக் கல்லூரியில் 3 ஆண்டுகள் பணியாற்றிய போலி மருத்துவர்…! சிக்கியது எப்படி…? | இந்தியா

மகாராஷ்டிராவின் லத்தூரைச் சேர்ந்த அபினவ் சிங் என்ற நபர் இந்த மோசடியில் ஈடுபட்டதாக அதிகாரிகள் தெரிவித்தனர். அமெரிக்காவில் பயிற்சி பெற்று வந்த தனது மைத்துனர் டாக்டர் ராஜீவ் குமார் குப்தாவின் சான்றிதழ்கள் மற்றும் பெயரை தவறாகப் பயன்படுத்தி, 2022ஆம் ஆண்டு அபினவ் சிங் மாவட்டத்தில் உள்ள ஒரு மருத்துவக் கல்லூரியில் சிறப்பு மருத்துவராக வேலை பெற்றார்.

3 வருடங்களாக, அவர் டாக்டர் ராஜீவ் குமார் குப்தாவாகக் காட்டிக்கொண்டு நோயாளிகளுக்கு சிகிச்சை அளித்து வந்தார். இருப்பினும், இவ்வளவு காலமாக, அவர் ஒரு மருத்துவர் அல்ல என்பதை யாரும் உணரவில்லை. இந்த முறைகேடு குறித்து அபினவ் சிங்கின் சகோதரி டாக்டர் சோனாலி சிங் உயர் மருத்துவ அதிகாரிகளிடம் புகார் அளித்ததை அடுத்து இந்த விஷயம் வெளிச்சத்துக்கு வந்தது.

இது குறித்து புகார் அளித்த பெண் டாக்டர் சோனாலி சிங், தனது சகோதரரான அபினவ் சிங், தனது கணவர் டாக்டர் ராஜீவ் குப்தாவின் MBBS மற்றும் MD பட்டங்களைப் பயன்படுத்தி, தன்னை ஒரு மருத்துவர் என்று கூறிக் கொண்டு, மாவட்ட மருத்துவக் கல்லூரியில் இதயநோய் நிபுணராக நியமிக்கப்பட்டதாகக் கூறினார். பட்டம் யாருடைய பெயரில் பயன்படுத்தப்பட்டதோ அந்த நபர் அமெரிக்காவில் மருத்துவராகப் பணிபுரிகிறார் என்றும் கூறியுள்ளார்.