முன்னாள் ஜனாதிபதி மஹிந்த ராஜபக்ஷவின் மனைவி ஷிராந்தி ராஜபக்ஷ, அரச வங்கியில் 100 இலட்சம் ரூபாவை முறைகேடாகப் பயன்படுத்திய குற்றச்சாட்டில் இலஞ்ச ஊழல் விசாரணை ஆணைக்குழு அதிகாரிகளால் கைது செய்யப்பட்டுள்ளார்.
முன்னாள் ஜனாதிபதி மஹிந்த ராஜபக்ஷவின் பாரியாரான ஷிராந்தி ராஜபக்ஷ, இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் அதிகாரிகளினால் இன்று கைது செய்யப்பட்டுள்ளார்.
கிருலப்பனையிலுள்ள மஹிந்த ராஜபக்ஷ தங்கியிருக்கும் இல்லத்தில் வைத்தே இவர் கைது செய்யப்பட்டுள்ளதாகத் தெரிவிக்கப்படுகிறது.
அரசுக்குச் சொந்தமான வங்கியொன்றிலிருந்து 100 இலட்சம் ரூபாயைப் பெற்று மோசடியாகப் பயன்படுத்தியதன் மூலம் ஊழல் மற்றும் பொதுச் சொத்துக்கள் சட்டத்தின் கீழ் குற்றங்களை இழைத்துள்ளார் என்ற குற்றச்சாட்டின் பேரிலேயே இவர் கைது செய்யப்பட்டுள்ளதாக இலஞ்சம் அல்லது ஊழல் விசாரணை ஆணைக்குழு குறிப்பிட்டுள்ளது.
இதேவேளை, குறித்த சம்பவம் தொடர்பில் ஷிராந்தி ராஜபக்ஷ உள்ளிட்ட மூவரை சந்தேகநபர்களாகப் பெயரிட்டு பொலிஸ் நிதிக்குற்றப் புலனாய்வுப் பிரிவினர் கோட்டை நீதவான் நீதிமன்றில் சமர்ப்பணங்களை மேற்கொண்டுள்ளனர்.
