முன்னாள் அதிபர் ஜோ பைடனை அவமானப்படுத்திய அதிபர் டிரம்ப்! என்ன நடந்தது தெரியுமா? | உலகம்

ஆட்சியின் கடைசி காலத்தில் முந்தைய அதிபர் ஜோ பைடன் அளித்த பொது மன்னிப்புகள் செல்லாது எனக் கூறியிருந்த டிரம்ப், அவை தானியங்கி பேனா மூலம் கையெழுத்திடப்பட்டவை என விமர்சித்திருந்தார். மன்னிப்பு வழங்கி அவர் அளித்ததாகக் கூறப்படும் உத்தரவுகளில் என்ன இருந்தது என்றே ஜோ பைடனுக்கு தெரியாது எனவும் டிரம்ப் குற்றம்சாட்டியிருந்தார்.

இந்நிலையில், வெள்ளை மாளிகையின் ஓவல் அலுவலகத்திற்கு செல்லும் முக்கிய நடைபாதையில் அமெரிக்காவின் முன்னாள் அதிபர்களின் கருப்பு – வெள்ளை நிற புகைப்படங்கள் வைக்கப்பட்டுள்ளன.

இதில் பைடனின் புகைப்படத்திற்கு பதிலாக தானியங்கி பேனா கையெழுத்திடும் புகைப்படம் இடம்பெற்றிருப்பது கவனம் பெற்றுள்ளது. பைடனை அவமதிக்கும் வகையில் அவரை கிண்டல் செய்து இந்த புகைப்படம் வைக்கப்பட்டுள்ளதற்கு விமர்சனங்கள் எழுந்துள்ளன.