முதியவர்களுக்கு எளிதில் லோவர் பர்த் கிடைக்கும்! இந்திய ரயில்வேயின் சீட் விதிமுறை தெரியுமா? | Indian Railways Rules: How Elderly Passengers Can Secure Lower Berths

பெரும்பாலானோர் ரயில் பயணத்தை தேர்ந்தெடுக்கக் காரணம் என்ன தெரியுமா? வசதியான இருக்கை மற்றும் மலிவான டிக்கெட் கட்டணம் என்பதால் தான். இந்திய ரயில்வே பயணிகளின் நலனை கருத்தில் கொண்டு எண்ணற்ற வசதிகளை வழங்கி வருகிறது. அந்த வகையில் மூத்த குடிமக்கள் மற்றும் 45 வயதுடைய பெண்கள் சிரமமின்றி பயணம் செய்ய வேண்டும் என்பதற்காக லோவர் பர்த் ஒதுக்கீட்டில் முன்னுரிமை வழங்கி வருகிறது.

யாருக்கெல்லாம் லோவர் பர்த் கிடைக்கும்?: நீண்ட தூரம் ரயிலில் பயணிக்கும் முதியவர்களுக்கு அப்பர் பர்த் மற்றும் மிடில் பர்த் போன்றவற்றில் ஏறி இறங்குவதற்கு சிரமமாக இருக்கும். இதைக் கருத்தில் கொண்டு இந்திய ரயில்வே இவர்களுக்கு லோவர் பர்த் கோட்டாவை வழங்குகிறது.

ஆண்களாக இருந்தால் 60 வயது அல்லது அதற்கு மேற்பட்ட முதியவர்கள் மற்றும் பெண்களாக இருந்தால் 45 வயது அல்லது அதற்கு மேற்பட்டவர்களுக்கு இந்த வசதி வழங்கப்பட்டுள்ளது. எல்லா நேரங்களிலும் முதியவர்களுக்கு முன்னுரிமை வழங்கப்படும் என்று சொல்ல முடியாது. ஏனெனில் ரயில் பெட்டிகளில் உள்ள காலியிடங்கள், நீங்கள் முன்பதிவு செய்யும் நேரம் மற்றும் கிளாஸ் ஆகியவற்றை பொருத்தும் இருக்கைகள் ஒதுக்கீடு செய்யப்படுகிறது.

ஒவ்வொரு கிளாஸுக்கும் எத்தனை சீட் ஒதுக்கப்படுகிறது?: ஸ்லீப்பர் கிளாஸில் ஒரு பெட்டிக்கு 6 முதல் 7 லோவர் பர்த் முதியவர்களுக்காக ஒதுக்கப்படுகிறது. 2AC கிளாஸில் 3 முதல் 4 லோவர் பர்த்தும், 3AC கிளாஸில் 4 முதல் 5 லோவர் பர்த்தும் ஒதுக்கப்படுகிறது.