Last Updated:
12 மாத வேலையை முடித்து நிதி கல்வியறிவு திட்டத்தை முடித்த பின்னரே இரண்டாவது தவணை வழங்கப்படும்.
முதல் முறையாக, வேலையில் சேரும் இளைஞர்களுக்கு ரூ.15,000 வழங்கப்படும் என்று மத்திய அரசு பட்ஜெட்டில் அறிவித்திருந்தது. சமீபத்தில், வேலைவாய்ப்புடன் இணைக்கப்பட்ட ஊக்கத்தொகை ELI திட்டத்திற்காக ரூ.99,446 கோடி பட்ஜெட்டும் நிறைவேற்றப்பட்டது. மத்திய அரசின் இந்தத் திட்டத்தில், தற்போது ஒரு பெரிய மாற்றம் ஏற்பட்டுள்ளது. இந்தத் திட்டத்தின் பெயர் பிரதம மந்திரி விகாசித் பாரத் ரோஜ்கர் யோஜனா (PM-VRBY) என மாற்றப்பட்டுள்ளது.
தொழிலாளர் மற்றும் வேலைவாய்ப்பு அமைச்சகத்தின்படி, இந்தத் திட்டத்தின் கீழ், ஆகஸ்ட் 1, 2025 முதல், முதன்முறையாக EPFO-ல் சேரும் அனைத்து ஊழியர்களும் சம்பளத்தைத் தவிர அரசாங்கத்திடமிருந்து ரூ.15,000 கிடைக்கும். முன்னதாக இந்தத் திட்டம் வேலைவாய்ப்புடன் இணைக்கப்பட்ட ஊக்கத்தொகை (ELI) என்று அழைக்கப்பட்டது. ஆனால், இப்போது அதன் பெயர் மாற்றம் செய்யப்பட்டுள்ளது. இந்தத் திட்டத்தின் நோக்கம் புதிய ஊழியர்களுக்கு வேலைகளை வழங்குவதும், அவர்களை சேமிக்க ஊக்குவிப்பதும் ஆகும்.
முதல் முறையாக EPFO-வில் பதிவு செய்பவர்களுக்கு சம்பளத்துடன் மாதத்திற்கு ரூ.15,000 வரை இரண்டு தவணைகளில் PF வழங்கப்படும். அதன் முதல் நிபந்தனை என்னவென்றால், ஊழியர் குறைந்தது 6 மாதங்கள் வேலை செய்ய வேண்டும். இதற்குப் பிறகுதான் முதல் தவணை வழங்கப்படும். 12 மாத வேலையை முடித்து நிதி கல்வியறிவு திட்டத்தை முடித்த பின்னரே இரண்டாவது தவணை வழங்கப்படும். நல்ல விஷயம் என்னவென்றால், ரூ.1 லட்சம் வரை சம்பளம் உள்ளவர்களும் இந்தத் திட்டத்தின் பலனைப் பெறுவார்கள்.
4.1 கோடி இளைஞர்களுக்கு வேலைவாய்ப்பு, திறன் மேம்பாடு மற்றும் பிற வாய்ப்புகளை எளிதாக்கும் 5 திட்டங்களின் தொகுப்பின் ஒரு பகுதியாக அறிவிக்கப்பட்டது. இதன் மொத்த பட்ஜெட் ரூ. 2 லட்சம் கோடி என நிர்ணயிக்கப்பட்டது. மேலும் இந்த திட்டத்தின் பயன்கள் வருகிற ஆகஸ்ட் 1ஆம் தேதி முதல் 2027ஆம் ஆண்டு ஜூலை 31ஆம் தேதி வரை உருவாக்கப்படும் வேலைகளுக்கு பொருந்தும் என கூறப்பட்டுள்ளது.
July 28, 2025 12:20 PM IST
