Last Updated:
கர்நாடகா முதலமைச்சர் சித்தராமையாவின் ரூ. 100 கோடி மதிப்புள்ள 92 சொத்துகளை அமலாக்கத்துறை முடக்கியது.
மைசூரு நகர மேம்பாட்டு முறைகேடு வழக்கில், கர்நாடக முதலமைச்சர் சித்தராமையாவுக்குச் சொந்தமான 100 கோடி ரூபாய் சொத்துகளை அமலாக்கத்துறை முடக்கியது.
கர்நாடகா மாநிலத்தில், ‘முடா’ எனப்படும் மைசூரு நகர மேம்பாட்டுத் துறையிடமிருந்து, கர்நாடகா முதல்வரும், காங்கிரஸ் மூத்த தலைவருமான சித்தராமையாவின் மனைவி பார்வதி, சட்டவிரோதமாக 14 மனைகள் பெற்றதாகக் குற்றச்சாட்டு எழுந்தது. சித்தராமையா, அவரது மனைவி பார்வதி உள்ளிட்டோர் மீது, லோக் ஆயுக் அமைப்பு வழக்குப்பதிவு செய்து, விசாரணை நடத்தி வருகிறது.
இதே வழக்கில், மத்திய அரசின் அமலாக்கத்துறையும் பணமோசடி வழக்கில் விசாரணை நடத்தி வருகிறது. இந்த நிலையில், சித்தராமையாவுக்குச் சொந்தமான 100 கோடி ரூபாய் மதிப்புள்ள 92 சொத்துகளை அமலாக்கத்துறை நேற்று (9ஆம் தேதி) முடக்கியுள்ளது.
ED, Bangalore has provisionally attached 92 immovable properties (MUDA sites) having market value of Rs. 100 Crore (approx.) on 9/06/2025 under the provisions of the PMLA, 2002, in connection with MUDA Scam case matter related to Siddaramaiah and others having cumulative…
— ED (@dir_ed) June 10, 2025
இது குறித்து அமலாக்கத்துறை தனது எக்ஸ் பக்கத்தில், “சித்தராமையா மற்றும் பிறர் தொடர்பான முடா மோசடி வழக்கு தொடர்பாக, PMLA, 2002 இன் விதிகளின் கீழ், பெங்களூரு அமலாக்கத்துறை, ரூ. 100 கோடி சந்தை மதிப்புள்ள 92 அசையா சொத்துக்களைத் தற்காலிகமாக முடக்கியுள்ளது. இந்த வழக்கில் இதுவரை ரூ. 400 கோடி மதிப்புள்ள சொத்துக்கள் முடக்கப்பட்டுள்ளன” எனத் தெரிவித்துள்ளது.
June 10, 2025 10:15 PM IST
முடா முறைகேடு; கர்நாடகா முதலமைச்சர் சித்தராமையாவின் ரூ. 100 கோடி சொத்து முடக்கம்.. அமலாக்கத்துறை அதிரடி
