மீண்டும் மோசமாகும் டெல்லி காற்று மாசு… இந்த முறை அரசின் நடவடிக்கை என்ன? | இந்தியா

தலைநகர் டெல்லியில் காற்றின் தரம் நாளுக்கு நாள் மோசமடைந்து வருகிறது. குறிப்பாக, சனிக்கிழமை மாலை காற்றின் தரம் 450 என்ற அளவில் அபாயக்கட்டத்தை எட்டியது. இதனால், காற்று மாசை கட்டுப்படுத்தும் செயல்திட்டமான நான்காம் கட்டம் அமலுக்கு வந்தது. இதன் மூலம் நகராட்சி மற்றும் தனியார் நிறுவனங்கள் 50 சதவீத பணியாளர்களுடன் மட்டுமே செயல்பட வேண்டுமெனவும் மத்திய அரசு ஊழியர்கள் வீட்டில் இருந்து வேலை செய்யவும் அறிவுறுத்தப்பட்டுள்ளது. அத்தியாவசிய சேவைகளை வழங்கும் லாரிகளைத் தவிர்த்து, மற்ற லாரிகளின் போக்குவரத்துக்கு தடை செய்யப்பட்டுள்ளது.