Last Updated:
சமீபத்திய ஆய்வில், இந்திய பிரதமர் நரேந்திர மோடி மீண்டும் முதலிடம் பிடித்துள்ளார். இதனால் தொடர்ந்து 2-வது ஆண்டாக உலகின் மிகவும் பிரபலமான தலைவராக அவர் கருதப்படுகிறார்.
உலகின் செல்வாக்கு மிக்க தலைவர்கள் குறித்து அமெரிக்காவின் பிரபல தரவு பகுப்பாய்வு நிறுவனம் ‘மார்னிங் கன்சல்ட்’ (Morning Consult) நடத்திய சமீபத்திய ஆய்வில், இந்திய பிரதமர் நரேந்திர மோடி மீண்டும் முதலிடம் பிடித்துள்ளார். இதனால் தொடர்ந்து 2-வது ஆண்டாக உலகின் மிகவும் பிரபலமான தலைவராக அவர் கருதப்படுகிறார்.
மார்னிங் கன்சல்ட் நிறுவனம் மார்ச் 2 முதல் மார்ச் 8 வரை பல நாடுகளில் உள்ள பொதுமக்களிடம் கருத்துக்கணிப்பு நடத்தியது. ஒவ்வொரு நாட்டிலும் அந்நாட்டின் தலைவரைப் பற்றி மக்கள் என்ன நினைக்கிறார்கள் என கேட்டறிந்தனர். இதில், பிரதமர் மோடி 68% மக்களின் ஆதரவைப் பெற்று முதலிடத்தைப் பிடித்துள்ளார். கடந்த பல ஆண்டுகளாக இந்த பட்டியலில் தொடர்ந்து முதலிடம் பிடித்து வரும் ஒரே உலகத் தலைவராக அவர் உள்ளார்.
1. நரேந்திர மோடி (இந்தியா) – 68% ஆதரவு
2. கை பார்மெலின் (சுவிட்சர்லாந்து) – 62% ஆதரவு
3. லீ ஜே-மியுங் (தென்கொரியா) – 62% ஆதரவு
4. ஜேவியர் மைலி (அர்ஜென்டினா) – 56% ஆதரவு
5. மார்க் கார்னி (கனடா) – 55% ஆதரவு
இந்த முடிவுகள், சர்வதேச அரசியலில் இந்தியாவின் முக்கியத்துவம் அதிகரித்து வருவதையும், பிரதமர் மோடியின் தலைமைத்துவத்திற்கு உலக அளவில் கிடைத்துள்ள அங்கீகாரத்தையும் காட்டுகிறது என்று அரசியல் விமர்சகர்கள் கூறுகின்றனர். இந்த ஆய்வில் ஆச்சரியமான விஷயம் என்னவென்றால், உலக வல்லரசுகளாகக் கருதப்படும் அமெரிக்கா மற்றும் ஐரோப்பிய நாடுகளின் தலைவர்கள் இந்த பட்டியலில் மிகுந்த பின்னடைவைச் சந்தித்துள்ளனர். அமெரிக்க அதிபர் டொனால்ட் ட்ரம்ப் 39% ஆதரவு பெற்றதால், முதல் 10 இடங்களுக்குள் கூட இடம்பிடிக்க முடியவில்லை.
இந்த ஆய்வு, ஒவ்வொரு நாட்டிலும் உள்ள வயது வந்தவர்களிடம், இணையதளம் மூலம் நடத்தப்பட்டது. கடந்த 7 நாட்களின் சராசரி மதிப்பீட்டை அடிப்படையாகக் கொண்டு இந்த தரவரிசை வெளியிடப்பட்டுள்ளது.
Mar 27, 2026 11:41 AM IST
