மீண்டும் அணிக்கு திரும்பிய மிட்செல் மார்ஷ்.. சவாலான ஆஸ்திரேலிய அணியை எதிர்கொள்ளும் இந்தியா | விளையாட்டு

வரும் 19-ஆம் தேதி போட்டிகள் தொடங்கவுள்ள நிலையில், ஆஸ்திரேலியாவின் ஒருநாள் தொடர் மற்றும் முதல் இரண்டு டி20 போட்டிகளுக்கான அணி அறிவிக்கப்பட்டுள்ளது.

பேட் கம்மின்ஸ் (Pat Cummins) காயத்தில் இருந்து மீளாததால், ஒருநாள் மற்றும் டி20 அணிகளின் கேப்டனாக மிட்சல் மார்ஷ் அறிவிக்கப்பட்டுள்ளார். இடதுகை வேகப்பந்து வீச்சாளரான ஸ்டார்க் மீண்டும் ஒருநாள் அணிக்கு திரும்பியுள்ளார்.

தென் ஆப்பிரிக்காவுக்கு எதிரான ஒருநாள் தொடரில் ஓய்வில் இருந்த ஸ்டார்க் இந்தியாவுக்கு எதிரான தொடரில் சேர்க்கப்பட்டுள்ளார்.2022-ஆம் ஆண்டுக்குப் பிறகு மீண்டும் ஒருநாள் அணியில் இடம்பிடித்துள்ள இடது கை பேட்ஸ்மேன்  மேத்யூ ரென்ஷா, இந்தியாவுக்கு எதிராக அறிமுகமாவார் என எதிர்பார்க்கப்படுகிறது.

இதே போல, அலெக்ஸ் கேரி, கேமரூன் கிரீன், ஹேசில்வுட், டிராவிஸ் ஹெட், மிட்செல் ஓவன், மேத்யூ ஷாட், ஆடம் ஜம்பா (Adam Zampa) என முன்னணி வீரர்களும் ஒருநாள் தொடருக்கான அணியில் இடம்பெற்றுள்ளனர்

இதேபோல, ஆஸ்திரேலிய டி20 அணியில் ஜாஷ் இங்லிஷ் மற்றும் நாதன் எல்லிஸ் மீண்டும் இடம்பிடித்துள்ளனர். காயம் குணமடையாததால் இந்தியாவுக்கு எதிரான தொடரில் மேக்ஸ்வெல் இடம்பெறாததது ஆஸ்திரேலியாவுக்கு பின்னடைவாக பார்க்கப்படுகிறது.