விடுதலைப் புலிகளின் மாவீரர்கள் என்று அழைக்கப்படுபவர்களை நினைவுகூரும் மாதம் வந்துவிட்டதால், பல்வேறு குழுக்கள் மகிந்த ராஜபக்சவைக் குறிவைத்து, அத்தகைய காலகட்டத்தில் அவருக்குத் தீங்கு விளைவிக்க முயற்சிக்கும் போக்கு அதிகரித்துள்ளது என்று மகிந்த ராஜபக்சவின் ஊடகப் பேச்சாளரும் சட்டத்தரணியுமான மனோஜ் கமகே, கூறியுள்ளார்.
எனவே, இந்தச் சூழ்நிலையில் அரசாங்கம் மிகுந்த கவனத்துடன் செயல்படுவது அவசியம் என்றும் அவர் கூறியுள்ளார்.
தற்போதைய அரசாங்கம் ஆட்சிக்கு வந்த பிறகு, முன்னாள் ஜனாதிபதிக்கு வழங்கப்பட்ட பாதுகாப்புப் பணியாளர்களின் எண்ணிக்கையை கணிசமாகக் குறைத்துள்ளது என்று மனோஜ் கமகே நினைவு கூர்ந்துள்ளார்.
சந்தேகத்திற்கிடமான மரணங்கள்
மேலும், நாட்டில் சந்தேகத்திற்கிடமான மரணங்கள் நிகழ்ந்து வரும் வேளையில், உயிர்களின் பாதுகாப்பு குறித்து பெரும் நிச்சயமற்ற நிலை நிலவுகிறது என்றும் அவர் குறிப்பிட்டுள்ளார்.
அத்தோடு தமக்கு ஏதேனும் துன்புறுத்தலோ அல்லது ஆபத்தோ நேர்ந்தால், அதற்கு தற்போதைய அரசாங்கமே முழுப் பொறுப்பேற்க வேண்டும் என்று கூறியுள்ளார்.
ஏனெனில் தமது உயிருக்குக் கடுமையான ஆபத்து உள்ளது என்றும் அவர் வலியுறுத்தியுள்ளார்.
ஊழல் குற்றச்சாட்டு
சமீபத்தில் இலஞ்சம் மற்றும் ஊழல் குற்றச்சாட்டுகளை விசாரிக்கும் ஆணைக்குழுவின் முன் முன்னாள் ஜனாதிபதி அழைக்கப்பட்டபோது நிலவிய பாதுகாப்பு பலவீனங்களையும் அவர் விளக்கியுள்ளார்.
எந்தவிதமான உடல் பரிசோதனையும் இன்றி வளாகத்தைச் சுற்றி ஒரு பெரிய கூட்டம் கூடியிருந்ததால், பயங்கரவாதிகள் எளிதில் ஊடுருவி ராஜபக்சவுக்குத் தீங்கு விளைவிக்க ஒரு வாய்ப்பு உருவானது என்று அவர் சுட்டிக்காட்டினார்.
இத்தகைய மிகவும் பாதுகாப்பற்ற மற்றும் அபாயகரமான சூழலில் முன்னாள் நாட்டுத் தலைவரை ஆணைக்குழுவின் முன் கொண்டு வருவது ஒரு கடுமையான பிரச்சினை என்றும் மனோஜ் கமகே மேலும் கூறியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
