மாற்று முதலீட்டு நிதிகள் (AIF) – முன்னணியில் உள்ள ரியல் எஸ்டேட் துறை…!

அனராக் (Anarock) ஆய்வின்படி, ரியல் எஸ்டேட் துறை ஒட்டுமொத்த நிகர AIF முதலீடுகளில் மிகப்பெரிய பங்கைக் (15%) கொண்டுள்ளது, FY25 ஏப்ரல்-டிசம்பர் காலகட்டத்தில் அனைத்து துறைகளின் மொத்த மதிப்பு ரூ.5,06,196 கோடியில் ரியல் எஸ்டேட்டில் மட்டுமே ரூ.73,903 கோடி முதலீடு செய்யப்பட்டுள்ளது.

AIF-க்கள் என்பது தனியார் பங்கு, ஹெட்ஜ் ஃபண்ட்ஸ் மற்றும் ரியல் எஸ்டேட் போன்ற பாரம்பரியமற்ற சொத்துக்களில் முதலீடு செய்யும் தனியார் திரட்டப்பட்ட நிதி (privately pooled funds) ஆகும், இது அனுபவம் வாய்ந்த முதலீட்டாளர்களுக்கு ஏற்ற சிறப்பு, அதிக ரிஸ்க் அதே சமயம், அதிக ரிவார்ட் வாய்ப்புகளை வழங்குகிறது.

AIF முதலீடுகளால் பயனடையக் கூடிய பிற துறைகளில் IT/ITeS, ஃபைனான்ஷியல் சர்வீஸ், NBFC-க்கள், வங்கிகள், ஃபார்மா, FMCG, ரீடைல், ரினியூவபிள் எனர்ஜி உள்ளிட்ட சில அடங்கும். ரியல் எஸ்டேட்டில் AIF முதலீடுகள் 2024 நிதியாண்டின் இறுதியில் ரூ.68,540 கோடியாக இருந்த நிலையில், 2025 நிதியாண்டின் 9 மாத முடிவில் ரூ.73,903 கோடியாக உயர்ந்தது. குறிப்பாக 2025 நிதியாண்டின் முதல் 3 காலாண்டுகளில் குறிப்பிடத்தக்க 8 சதவீத வளர்ச்சி காணப்பட்டது. இந்த வேகம் நீடித்து அதிகரிக்கும் என்று எதிர்பார்க்கப்படுவதாக அறிக்கையில் கூறப்பட்டுள்ளது.

கடந்த பத்தாண்டுகளில் சந்தையில் ஆக்டிவாக இருக்கும் AIF-க்களின் எண்ணிக்கை 36 மடங்கு அதிகரித்துள்ளது. மார்ச் 31, 2013இல் 42ஆக இருந்த இது மார்ச் 5, 2025 நிலவரப்படி 1,524 AIF-க்களாக அதிகரித்துள்ளது. AIF-க்களில் FY13 மற்றும் FY25-க்கு இடையில் 83.4% கூட்டு ஆண்டு வளர்ச்சி விகிதத்தை (CAGR) கண்டுள்ளது. அனராக் குழுமத்தின் பிராந்திய இயக்குநர் மற்றும் ஆராய்ச்சித் தலைவர் பிரசாந்த் தாக்கூர் பேசுகையில், வழக்கமான நிதி ஆதாரங்களில் அதிகரித்து வரும் தடைகளுக்கு மத்தியில், AIF-க்கள் ரியல் எஸ்டேட் வளர்ச்சியின் பல்வேறு கட்டங்களில் மூலதன இடைவெளிகளை நிவர்த்தி செய்ய ஒரு புதுமையான மற்றும் பாதுகாப்பான வழியாக உள்ளது.

இதையும் படிக்க: வங்கிக் கடன் vs தனியார் நிறுவன கடன்: இரண்டில் எது பெஸ்ட் சாய்ஸா இருக்கும்னு நினைக்கிறீங்க…?

அடுத்த கட்டத்திற்கு செல்ல ப்ளென்டட் ஃபைனான்ஸ் மாடல்ஸ், AI- ட்ரைவன் ரிஸ்க் அசெஸ்மென்ட்ஸ் மற்றும் நெறிப்படுத்தப்பட்ட ஒழுங்குமுறை கட்டமைப்புகள் ஆகியவை AIF-க்களின் தாக்கத்தை மேலும் அதிகரிக்கின்றன என்றார். AIF நிதி திரட்டும் நடவடிக்கைகளில் உள்நாட்டு முதலீட்டாளர்கள் தொடர்ந்து பெரும்பான்மையான பங்கை வைத்திருக்கிறார்கள்; இருப்பினும், வகை II AIF-க்கள் வெளிநாட்டு போர்ட்ஃபோலியோ முதலீட்டாளர்கள் (FPIகள்) கிட்டத்தட்ட சமமான பங்களிப்பைக் கொண்டு குறிப்பிடத்தக்க சமநிலையை வெளிப்படுத்துவதாக அறிக்கை கூறுகிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.