மாத வருமானம் போதவில்லையா? மறைமுக வருமானத்தை ஈட்டி தரும் முதலீட்டு ஆப்ஷன்கள் சில!!!

வாழ்வாதார செலவுகள் தொடர்ந்து அதிகரித்து வரும் இந்த சூழ்நிலையில் மறைமுக வருமானம் பெறுவது அத்தியாவசியமாக கருதப்படுகிறது. இது ஒருவருக்கு பொருளாதார பாதுகாப்பு அளித்து வாழ்க்கை தரத்தை தொடர்ந்து சீராக பராமரிப்பதற்கு உதவுகிறது. அதுமட்டுமல்லாமல் இக்கட்டான சூழ்நிலையில் பணத்தேவையை சமாளிப்பதற்கும் இது ஏதுவாக அமைகிறது.

மேலும் மறைமுக வருமானம் பொருளாதார சுதந்திரம் விரைவாக அடைவதற்கு உதவுகிறது. ஒரே வேலையை நம்பி அந்த வருமானத்தை மட்டுமே எதிர்பார்த்து வாழ வேண்டிய கட்டாயத்தை இது தவிர்க்கிறது.

இந்த விஷயங்களை மனதில் கொண்டு மறைமுக வருமானத்தை பெறுவதற்கான திட்டங்களை நீங்கள் தேடிக் கொண்டிருக்கிறீர்கள் என்றால் உங்களுக்கான ஒரு சில ஆப்ஷன்களை இப்பொழுது தெரிந்து கொள்ளலாம்:

சீனியர் சிட்டிசன் சேவிங்ஸ் ஸ்கீம் 

சீனியர் சிட்டிசன்களுக்காக பிரத்தியேகமாக வடிவமைக்கப்பட்டுள்ள இந்த சேமிப்பு திட்டம் ஒரு ஆண்டுக்கு 8.2% வட்டி வழங்குகிறது. இதில் அதிகபட்சமாக 15 லட்ச ரூபாய் வரை முதலீடு செய்யலாம்.

போஸ்ட் ஆபீஸ் மந்த்லி இன்கம் ஸ்கீம் 

இந்தத் திட்டத்தில் 7.4% ஆண்டுவாரியான ரிட்டன் கிடைக்கிறது. இதில் தனிநபர்கள் அதிகபட்சமாக 4,50,000 ரூபாயையும், ஜாயின்ட் அக்கவுண்டில் 9,00,000 ரூபாய் வரையிலும் முதலீடு செய்யலாம்.

நீண்டகால அரசு பத்திரங்கள் 

ரிஸ்க் எடுப்பதற்கு தயாராக இல்லாத முதலீட்டாளர்களுக்காக உருவாக்கப்பட்டுள்ள இந்த திட்டத்தில் 40 வருட காலஅளவுடன் ஒவ்வொரு மாதமும் நிலையான வட்டி செலுத்தப்படுகிறது.

கார்ப்பரேட் டெபாசிட்கள்

NBFCகள் மற்றும் HFCகள் வழங்கும் இந்த திட்டத்தில் ஒருவர் பெரிய அளவிலான ரிட்டன்களை எதிர்பார்க்கலாம். எனினும் நீங்கள் முதலீடு செய்ய நினைக்கும் நிறுவனத்தின் பொருளாதார நிலையை பகுப்பாய்வு செய்த பிறகே அதில் முதலீடு செய்ய வேண்டும்.

மன்த்லி இன்கம் பிளான் 

அதிக ரிட்டன்களை வழங்கும் அதே வேளையில் நிலையான வருமானத்தை பெறுவதற்கு மியூச்சுவல் ஃபண்டுகளில் முதலீடு செய்யலாம். எனினும், இதில் குறிப்பிட்ட அளவு ரிஸ்க் அடங்கியுள்ளது.

பிரதான் மந்திரி வாயா வந்தன யோஜனா 

சீனியர் சிட்டிசன்களுக்கான இந்த அரசு பென்ஷன் திட்டத்தில் ஒரு ஆண்டுக்கு 4 சதவீத ரிட்டன் கிடைக்கிறது.

லைஃப் இன்சூரன்ஸ் பிளஸ் சேவிங்ஸ் பிளான்

இது லைஃப் இன்சூரன்ஸ் திட்டத்துடன் சேமிப்பை இணைத்து அக்கவுண்ட் மெச்சூரிட்டி ஆனவுடன் உறுதியளிக்கப்பட்ட வருமானத்தை அளிக்கிறது.

சிஸ்டமாட்டிக் வித்டிராயல் பிளான் 

மியூச்சுவல் ஃபண்ட் முதலீடுகள் மூலமாக வழக்கமான வித்டிராயல்களை இதிலிருந்து நீங்கள் பெறலாம்.

ஈக்விட்டி ஷேர் டிவிடெண்ட் 

பெரிய ரிஸ்க் எடுக்க தயாராக இருக்கும் முதலீட்டாளர்களுக்காக துவங்கப்பட்ட இந்த முதலீட்டு திட்டத்தில் நிறுவனங்களின் பங்குகள் மூலமாக குறிப்பிடத்தக்க அளவு வருமானம் கிடைக்கும்.

ஆண்டுவாரியான திட்டங்கள் 

இன்சூரன்ஸ் நிறுவனங்கள் வழங்கும் இந்த திட்டங்களில் உங்களுக்கு உறுதியளிக்கப்பட்ட வருமானம் கிடைக்கும்.

மறைமுக வருமான முதலீட்டு ஆப்ஷனை தேர்வு செய்யும் பொழுது நீங்கள் கருத்தில் கொள்ள வேண்டிய ஒரு சில விஷயங்கள்: உங்களால் எந்த அளவுக்கு அபாயத்தை தாங்க முடியும், வரி விளைவுகள், பண தேவை, வெவ்வேறு திட்டங்களில் முதலீடு செய்வதன் முக்கியத்துவம், உங்களால் எவ்வளவு பணத்தை முதலீடு செய்ய முடியும் என்பது போன்ற விஷயங்களை மனதில் வைத்துக் கொண்டு முதலீடு செய்யுங்கள். ஒவ்வொரு முதலீட்டு ஆப்ஷனும் அதன் சொந்த பலன்கள் மற்றும் அபாயங்களை கொண்டுள்ளன. உங்களின் பொருளாதார இலக்குகள் மட்டும் சூழ்நிலைகளின் அடிப்படையில் உங்களுக்கு தோதான முதலீட்டு ஆப்ஷனை தேர்ந்தெடுத்துக் கொள்ளுங்கள்.

.