Last Updated:
நோயாளிகளைக் கவர சுயவிளம்பரங்கள் வெளியிட மருத்துவர்கள் மற்றும் மருத்துவமனைகளுக்கு தேசிய மருத்துவ ஆணையம் தடை விதித்துள்ளது.
மருத்துவர்கள் மற்றும் மருத்துவமனைகள் சார்பில் நோயாளிகளைக் கவர சுயவிளம்பரங்கள் வெளியிடுவதற்கு தேசிய மருத்துவ ஆணையம் தடை விதித்துள்ளது.
தேசிய மருத்துவ ஆணையம் வெளியிட்டுள்ள புதிய வழிகாட்டுதல்களின்படி, இன்ஸ்டாகிராம், யூடியூப் போன்ற சமூக வலைதளங்களில் நோயாளிகளின் அனுபவங்கள் குறித்து பகிர்வது, போலியான ரேட்டிங்குகள் மற்றும் ஏஐ மூலம் உருவாக்கப்படும் விளம்பரங்களுக்கு முழுமையாகத் தடை விதிக்கப்பட்டுள்ளது.
மேலும் மருத்துவப் பரிசோதனைகள் அல்லது சிகிச்சைகளுக்குத் தள்ளுபடி வழங்குவது, இலவசப் பரிசோதனைகள் மற்றும் பிரபலங்களைக் கொண்டு விளம்பரம் செய்வதற்கும், உறுதியளிக்கப்பட்ட சிகிச்சை போன்ற தவறான வாக்குறுதிகளை அளிப்பதற்கும் முற்றுப்புள்ளி வைக்கப்பட்டுள்ளது.
