மக்களுக்கு யானை இறைச்சி.. நமீபியாவை தொடர்ந்து ஜிம்பாப்வே முடிவு.. காரணம் என்ன?

ஜிம்பாப்வேயின் அண்டை நாடான நமீபியா கடந்த மாதம் 83 யானைகளை கொன்று அதன் இறைச்சியை வறட்சியால் பாதிக்கப்பட்ட மக்களுக்கு விநியோகித்தது என்பது குறிப்பிடத்தக்கது. வனவிலங்கு வேட்டை என்பது வறட்சியை மையப்படுத்தி மட்டும் கிடையாது என்கிறது ஜிம்பாப்வே அரசு. இதற்கான மற்ற காரணங்களையும் குறிப்பிட்டுள்ளது.

ஜிம்பாப்வே, ஜாம்பியா, போட்ஸ்வானா, அங்கோலா மற்றும் நமீபியா ஆகிய 5 நாடுகளில் பரவியுள்ள காடுகளில், சுமார் 2,00,000-க்கும் மேற்பட்ட யானைகள் வாழ்வதாக மதிப்பிடப்பட்டுள்ளது. இதுதான் உலகளவில் மிகப்பெரிய யானை மக்கள் தொகை வசிக்கும் இடமாகும். 55,000 யானைகளை மட்டுமே தாங்கக்கூடிய பூங்கா ஒன்றில் 84,000 யானைகள் உள்ளன. இதனால் நெரிசல் போன்ற வேறு பிரச்சினைகளும் ஏற்படுகின்றன என்கின்றனர் வன அதிகாரிகள்.

Also Read |
இரும்பை சாபிட்டாலும் ஜீரணிக்கும் விலங்கு எது தெரியுமா? 99% பேருக்கு தெரியாது

மேலும், கடுமையான வறட்சி நிலவிவரும் போது, அதனை சமாளிக்க இயற்கை வளங்கள் பற்றாக்குறையாக இருக்கின்றன. எனவே மனித – வனவிலங்கு மோதல்கள் அதிகரிக்கும் அச்சமும் நிலவி வருகிறது. கடந்த ஆண்டு ஜிம்பாப்வேயில் யானைகள் தாக்கியதில் 50 பேர் உயிரிழந்தனர் என்றும் புள்ளி விவரங்களை அடுக்கியுள்ளனர் அந்த அதிகாரிகள்.

எனவேதான் அரசு வேட்டையாடும் நடவடிக்கையை எடுக்க முன்வந்துள்ளது. வேட்டை, மேய்ச்சல் பகுதி மற்றும் தண்ணீர் வளத்தை விட விலங்குகள் அதிகமாக இருக்கும் பகுதிகளை இலக்காகக் கொண்டிருக்கும் என்று ஜிம்பாப்வே வனத்துறை தெரிவித்துள்ளது.

.