Last Updated:
கிம் ஜாங் உன்னின் மகள் ஜூ ஏ, முக்கிய ராணுவ நிகழ்வுகளில் தொடர்ந்து பங்கேற்று வருவது குறிப்பிடத்தக்கது.
தனது மகள் ஜூ ஏ-வுடன் இணைந்து வடகொரிய அதிபர் கிம் ஜாங் உன், நவீன ரக பீரங்கிகள், டிரோன் ஆயுதங்களைக் கொண்டு போர் ஒத்திகையில் ஈடுபட்ட காட்சிகள் இணையத்தில் வைரலாகி வருகின்றன.
இதுதொடர்பாக அந்நாட்டு அரசு வெளியிட்டுள்ள வீடியோவில், கிம் ஜாங் உன் ஒரு நகரும் பீரங்கி மீது அமர்ந்திருந்த நிலையில், அவரது மகள் ஜூ ஏ பீரங்கிக்குள் அமர்ந்து அதை இயக்கிய காட்சிகள் பதிவாகி உள்ளன. டிரோன்கள், ஏவுகணைகளை எதிர்கொண்டு தாக்கும் அதிரடித் திறன் கொண்டவை இந்த புதிய வகை பீரங்கிகள் என வடகொரிய ஊடகங்கள் தெரிவித்துள்ளன.
இலக்குகளைத் துல்லியமாகத் தாக்கி அழிக்கும் டிரோன்கள், பீரங்கிகளின் செயல்பாடுகள், வீரர்கள் கையெறி குண்டுகளை வீசுதல், காடுகளுக்குள் மறைந்திருந்து சுடுதல் போன்ற பல்வேறு போர் ஒத்திகைகளை கிம் ஜாங் உன் தனது பைனாகுலர் மூலம் பார்வையிட்டார்.
வடகொரிய அதிபர் கிம் ஜாங் உன்
கிம் ஜாங் உன்னின் மகள் ஜூ ஏ, முக்கிய ராணுவ நிகழ்வுகளில் தொடர்ந்து பங்கேற்று வருகிறார். சில நாட்களுக்கு முன்பு துப்பாக்கி சுடுதல் பயிற்சியில் அவர் ஈடுபட்டது குறிப்பிடத்தக்கது.
Click here to add News18 as your preferred news source on Google. 
