விளையாட்டுத் துறையில், குறிப்பாக மகளிர் கிரிக்கெட் மீதான முன்னணி நிறுவனங்களின் வணிக ரீதியிலான நம்பிக்கை பல மடங்கு அதிகரித்திருப்பதை இந்த முதலீடுகள் காட்டுகின்றன.
இத்தொடரின் ‘இணை-வழங்குநர்களாக’ (Co-Presenting Partners) கூகுள் ஜெமினி (Google Gemini), ஹெர்பாலேஃப் (Herbalife), ஹாவெல்ஸ் (Havells) மற்றும் பார்லே ப்ராடக்ட்ஸ் (Parle Products) ஆகிய நுகர்வோர் மின்சாதனங்கள், செயற்கை நுண்ணறிவு (AI) மற்றும் நல்வாழ்வுத் துறை சார்ந்த முன்னணி நிறுவனங்கள் இணைந்துள்ளன.
மேலும், கூகுள் பே (Google Pay), ராடோ (Rado) மற்றும் கேம்பா எனர்ஜி (Campa Energy) ஆகியவை ‘இணை பார்ட்னர்களாக (Associate Partners) களமிறங்குகின்றன.
உலக புகழ்பெற்ற விளையாட்டு ஆடை நிறுவனமான அடிடாஸ் (adidas), ஜியோஸ்டார் தளத்தில் மகளிர் கிரிக்கெட்டுடன் இணையும் முதல் உலகளாவிய விளையாட்டு பிராண்டாக மாறி, நேரலைக்கு முந்தைய மற்றும் பிந்தைய நிகழ்ச்சிகளின் டைட்டில் பார்ட்னர்களாக இணைந்துள்ளது.
சுவிஸ் நாட்டின் சொகுசு கைக்கடிகார பிராண்டான ராடோ (Rado), முதல்முறையாக நேரடி கிரிக்கெட் ஒளிபரப்பில் சொகுசு பிராண்டுகளின் பங்களிப்பைத் தொடங்கியுள்ளது.
இன்றைய தலைமுறை பிராண்டான கேம்பா எனர்ஜி (Campa Energy), தனது கலாச்சார மற்றும் வணிக வளர்ச்சிக்காக மகளிர் கிரிக்கெட் மேடையைத் தேர்ந்தெடுத்துள்ளது.
இது தொடர்பாக ஜியோஸ்டார் விளையாட்டுப் பிரிவின் விற்பனைத் தலைவர் அனூப் கோவிந்தன் கூறுகையில், “கடந்த 2025ஆம் ஆண்டு இந்திய மகளிர் அணி தங்களது முதலாவது ஐசிசி உலகக் கோப்பையைக் கைப்பற்றியதே, விளம்பர நிறுவனங்கள் மகளிர் விளையாட்டை ஒரு பெரிய வளர்ச்சித் தளமாகப் பார்க்கத் தொடங்கியதற்குக் காரணம்” என்று தெரிவித்துள்ளார்.
இன்று (ஜூன் 12) தொடங்கும் தொடக்க ஆட்டத்தில், நடப்புச் சாம்பியனான இங்கிலாந்து அணி இலங்கை அணியை எதிர்கொள்கிறது.
இந்திய ரசிகர்களால் பெரிதும் எதிர்பார்க்கப்படும் இந்தியா – பாகிஸ்தான் இடையேயான லீக் போட்டி ஜூன் 14 அன்று இரவு 7:00 மணிக்கு நடைபெற உள்ளது. இப்போட்டிகள் அனைத்தையும் ஸ்டார் ஸ்போர்ட்ஸ் நெட்வொர்க் (Star Sports) மற்றும் ஜியோஹாட்ஸ்டார் (JioHotstar) செயலியில் ரசிகர்கள் நேரலையாகக் காணலாம்.
