Last Updated:
மகளிர் டி20 உலகக்கோப்பை: ஆஸ்திரேலியா 7வது முறையாக சாம்பியன் பட்டம் வென்றது. இங்கிலாந்தை 7 விக்கெட் வித்தியாசத்தில் வீழ்த்தியது.
மகளிர் டி20 உலகக்கோப்பை சாம்பியன் பட்டத்தை ஆஸ்திரேலியா 7ஆவது முறையாகத் தட்டித் தூக்கியது.
லண்டனில் உள்ள லார்ட்ஸ் மைதானத்தில் மகளிர் டி20 உலகக்கோப்பை தொடரின் இறுதிப்போட்டி அனல் பறக்க நடைபெற்றது. இதில் குரூப் பிரிவில் இதுவரை தோல்வியே சந்திக்காத ஆஸ்திரேலியா, இங்கிலாந்து அணிகள் பலப்பரீட்சை நடத்தின.
டாஸ் வென்ற ஆஸ்திரேலியா பந்துவீச்சு தேர்வு செய்த நிலையில், முதலில் பேட்டிங் செய்த இங்கிலாந்து அணியின் தொடக்க வீரர்கள் ஒற்றை இலக்க ரன்களில் அவுட்டாகி அதிர்ச்சி கொடுத்தனர். அடுத்தடுத்து வந்த வீரர்களும் சொற்ப ரன்களில் பெவிலியன் திரும்பியதால், இங்கிலாந்து பேட்டிங்கில் தடுமாறியது.
கேப்டன் நாட் சிவர் இறுதி வரை நின்று 53 பந்துகளில் 58 ரன்கள் அடித்துக் கொடுத்து ஸ்கோரை உயர்த்தினார். அவருடன் ஜோடி சேர்ந்த ஃப்ரேயா கெம்ப் சிறப்பாக விளையாடி 44 ரன்கள் அடித்தார். இதனால், 20 ஓவர்கள் முடிவில் 4 விக்கெட்டுகள் இழந்து இங்கிலாந்து 150 ரன்கள் சேர்த்திருந்தது. எளிய இலக்கை துரத்திய ஆஸ்திரேலிய அணிக்கு பெத் மூனி மற்றும் ஃபீபி லிட்ச்ஃபீல்டு சிறப்பாக ஆடிக் கொடுத்து முறையே 64 மற்றும் 48 ரன்கள் எடுத்து ஆட்டமிழந்தனர்.
இதையடுத்து வந்த எலைஸ் பெர்ரி, கார்ட்னர் ஆட்டமிழக்காமல் விளையாடியதால், ஆஸ்திரேலியா அணி 17.1 ஓவரில் 153 ரன்கள் எடுத்து 7 விக்கெட் வித்தியாசத்தில் வெற்றி பெற்றது. இதன் மூலம் ஆஸ்திரேலிய அணி ஏழாவது முறையாக டி20 உலகக் கோப்பையை வென்று வரலாற்று சாதனை படைத்தது.
Chennai,Tamil Nadu
Jul 06, 2026 10:30 AM IST
