Last Updated:
இந்தியா-பாகிஸ்தான் போர் சூழல் மத்தியில், இந்தியன் ஆயில் நிறுவனம் எரிபொருள் போதுமான அளவில் இருப்பதாக அறிவித்துள்ளது. அவசரமாக பெட்ரோல், டீசல் வாங்க வேண்டாம் என்றும் கேட்டுக் கொண்டுள்ளது.
நாடு முழுவதும் போதுமான அளவுக்கு எரிபொருள் தங்களிடம் கையிருப்பில் இருப்பதாக இந்தியன் ஆயில் நிறுவனம் அறிவித்துள்ளது.
இந்தியா-பாகிஸ்தான் இடையே போர் சூழல் தீவிரமடைந்து வரும் நிலையில், எரிபொருள் நிலை குறித்து இந்தியன் ஆயில் நிறுவனம் தனது அதிகாரபூர்வ எக்ஸ் பக்கத்தில் விளக்கம் அளித்துள்ளது. அதில், இந்தியன் ஆயில் நிறுவனத்துக்கு எண்ணெய் விநியோகம் சீராக இருப்பதாக தெரிவிக்கப்பட்டுள்ளது.
அவசரப்பட்டு யாரும் அதிக அளவில் பெட்ரோல், டீசலை வாங்கி வைக்க வேண்டாம் என்று கேட்டுக் கொள்ளப்பட்டுள்ளது. எரிவாயுவும், எரிபொருள்களும் அனைத்து விற்பனை நிலையங்களிலும் தயாராக இருப்பதாகவும் இந்தியன் ஆயில் நிறுவனம் தெரிவித்துள்ளது.
#IndianOil has ample fuel stocks across the country and our supply lines are operating smoothly.
There is no need for panic buying—fuel and LPG is readily available at all our outlets.
Help us serve you better by staying calm and avoiding unnecessary rush. This will keep our…
— Indian Oil Corp Ltd (@IndianOilcl) May 9, 2025
தேவையற்ற கூட்ட நெரிசலை தவிர்க்க வேண்டும் என்றும், அனைவருக்கும் எரிபொருள் கிடைக்க உதவ வேண்டும் என்றும் அந்த நிறுவனம் கேட்டுக் கொண்டுள்ளது.
போர் பதற்றம் எதிரொலி : பெட்ரோல், டீசல் தட்டுப்பாடு ஏற்படுமா? – இந்தியன் ஆயில் நிறுவனம் விளக்கம்
