போப் பிரான்சிஸின் உடல்நிலை எப்படி இருக்கிறது? வெளியான மருத்துவ அறிக்கை!

88 வயதான போப் பிரான்சிஸ் உடல்நல குறைவு காரணமாக கடந்த 14ம் தேதி இத்தாலியின் ரோம் நகரத்தில் உள்ள கெமெல்லி மருத்துவமனையில் அனுமதிக்கப்பட்டுள்ளார். அவருக்கு தொடர்ந்து சிகிச்சை அளிக்கப்பட்டு வரும் நிலையில், அவரது நுரையீரல்கள் இரண்டிலும் நிமோனியா பாதிப்பு கண்டறியப்பட்டுள்ளதாக மருத்துவர்கள் தெரிவித்துள்ளனர்.

அவருக்கு மூச்சு விடுவதில் சிரமம் நீடித்த நிலையில் சிடி ஸ்கேனில் நிமோனியா கண்டறியப்பட்டுள்ளதாக வாடிகன் தெரிவித்துள்ளது. போப் பிரான்சிஸின் உடல் நிலை சற்று சிக்கலாக இருப்பதாகவும், இருப்பினும் அவர் செய்தித்தாள் படிப்பதாகவும், பிரார்த்தனையில் ஈடுபடுவதாகவும் அறிவிக்கப்பட்டுள்ளது.

இதையும் படிக்க: உலகின் 10 ஏழ்மையான நாடுகள்; இந்தியாவின் நட்பு நாடும் இந்தப் பட்டியலில் உள்ளது… எந்த நாடு தெரியுமா..?

மேலும், தனது நலனுக்காக பிரார்த்திக்கும் அனைவருக்கும் அவர் நன்றி தெரிவித்ததாகவும் வாடிகன் அறிவித்துள்ளது. போப் பிரான்சிசுக்கு இளம் வயது முதலே நுரையீரல் பிரச்சனை இருந்து வருவது குறிப்பிடத்தக்கது.