பொம்மையோடு குடும்ப நடத்தும் வங்காள இளைஞர் – News18 தமிழ்

எங்கள் உறவுமுறை குறித்து மற்றவர்கள் குறை கூறுவதையோ, கிண்டல் செய்வதையோ, கேள்வி கேட்பதையோ நான் கண்டுகொள்வதேயில்லை. என்னைப் பற்றி மற்றவர்கள் என்ன நினைத்தாலும் எனக்கு கவலையில்லை எனக் கூறுகிறார் வித்யுத். இவர் பைக்கில் எங்கு சென்றாலும் தனது ‘காதலியையும்’ பின்னால் அமர்த்திக்கொண்டு கூடவே அழைத்துச் செல்கிறார்.

மணமகனுக்கும் மணமகளுக்கு இடையே நடைபெறுவதே திருமணம். இப்போதெல்லாம் திருமணங்கள் உலகம் முழுவதும் பல்வேறு வகைகளில் பிரம்மாண்டமாக நடத்தப்படுகிறது. இப்போது நாம் பார்த்த சம்பவம் போலவே கொலம்பியாவைச் சேர்ந்த நபர் ஒருவர் பொம்மையை திருமணம் செய்து கொண்டுள்ளார். கிறிஸ்டியன் என்ற பெயர் கொண்ட அந்த நபர் பொம்மையோடு தான் குடும்பஸ்தராக வாழ்ந்து வருகிறார். இப்போது இவர்கள் இருவருக்கும் மூன்று பொம்மை குழந்தைகள் வேறு இருக்கிறார்களாம். இவருடைய மனைவி, அதாவது நடாலியா என்ற அந்த பொம்மையோடுதான் குடும்ப நிகழ்ச்சிகளுக்கும் விருந்துகளுக்கும் சென்று வருகிறார் கிறிஸ்டியன்.

இதற்கு முன் ஒரு பெண்ணை நான் காதலித்து வந்தேன். ஆனால் சில கரணங்களால் அந்த உறவு முறிந்து போனது. என்னுடைய முன்னாள் காதலி என்னை விட்டுவிட்டு இன்னொருவருடன் பழக ஆரம்பித்துவிட்டார். அதன்பின்னர் பல நாட்கள் நான் தனிமையில் தவித்து வந்தேன். வேறு எந்தப் பெண்ணோடு பழகவும் தோணவில்லை. அந்த சமயத்தில் தான் நடாலியா என்ற பொம்மை மீது காதலில் விழுந்தேன் எனக் கூறி ஆச்சர்யப்படுத்துகிறார் கிறிஸ்டியன்.

உங்கள் ஊர் செய்திகளை வீடியோவாக பெற
கிளிக்
செய்க

.