பொதுமக்களுக்கு தடைவிதித்துள்ள ஜப்பானின் மஞ்சள் நிற புல்லட் ரயில்… ஏன் தெரியுமா?

2026ஆம் ஆண்டிற்குள் இந்தியா அதன் முதல் புல்லட் ரயிலை பெற உள்ளது. நேரத்தை சிறப்பாக கடைபிடிக்கும் ரயில் சேவைகளுக்காக பெயர் போன ஜப்பான் இந்த ப்ராஜெக்ட்டில் இந்தியாவிற்கு உதவி வருகிறது. Shinkansen என்று பிரபலமாக அழைக்கப்படும் புல்லட் ரயில் அதிவேக ரயில்களின் ஒரு நெட்வொர்க்காக அமைகிறது.

இந்த ரயிலில் அதிகபட்ச பாதுகாப்பு, நிலைத்தன்மை மற்றும் சரியான நேரத்திற்கு பயணிகளை கொண்டு சேர்த்தல் போன்ற பல்வேறு நன்மைகள் உள்ளன. ஜப்பானில் தினமும் 300க்கும் மேற்பட்ட புல்லட் ரயில்கள் லட்சக்கணக்கான பயணிகளை ஒரு இடத்தில் இருந்து மற்றொரு இடத்திற்கு கொண்டு செல்கிறது.

வெளிநாட்டு சுற்றுலாப் பயணிகள் இந்த ரயிலில் பயணித்து அதன் அனுபவத்தை பெறுவதற்காகவே ஜப்பானுக்கு செல்வது கூட உண்டு. புல்லட் ரயில் பொதுவாக முன்புறத்தில் அக்குவா பச்சையிலும், பின்புறம் முழுவதும் வெள்ளை நிறத்திலும் அமைக்கப்பட்டிருக்கும். எனினும் ஜப்பானில் முழுக்க முழுக்க மஞ்சள் நிற புல்லட் ரயில் ஒன்றில் பயணிக்க பொதுமக்களுக்கு தடை விதிக்கப்பட்டுள்ளது. இந்த ரயில் பிரபலமாக ‘டாக்டர் எல்லோ’ என்று அழைக்கப்படுகிறது.

டாக்டர் எல்லோ புல்லட் ரயில் என்றால் என்ன?

டாக்டர் எல்லோ என்பது Shinkansen சோதனை இரயில் ஆகும். இந்த புல்லட் ரயில் தண்டவாளங்களை சோதித்து, தண்டவாளங்களில் ஏதேனும் பிரச்சனைகள் இருக்கிறதா என்பதை கண்காணிக்கிறது. மேலும் ஓவர் ஹெட் வயர்கள், சிக்னல்கள், உபகரணங்கள் போன்றவற்றில் சிக்கல்கள் ஏற்படும் பட்சத்தில் உடனடியாக அது குறித்து இன்ஜினியர்களுக்கு தகவல் தெரிவித்து அவர்களை எச்சரிக்கிறது. பிரச்சனைகளை கண்டுபிடிக்க உதவுவதால் தற்போது இந்த ரயில் டாக்டர் எல்லோ என பெயரிடப்பட்டு மஞ்சள் நிறத்தை கொண்டிருக்கிறது. இந்த ரயிலில் பயணிகளுக்கு அனுமதி கிடையாது.

இதையும் படிங்க : உங்க வாட்ஸ்அப் சாட்ஸ்களை பாதுகாக்கனுமா..? அப்ப இதை கண்டிப்பா பண்ணுங்க!

எளிதாக பிறர் கண்ணுக்கு புலப்பட வேண்டும் என்ற காரணத்திற்காக இந்த ரயில் முழுக்க முழுக்க மஞ்சள் நிறத்தில் பெயிண்ட் செய்யப்பட்டுள்ளது. அதுமட்டுமல்லாமல் மஞ்சள் நிறம் ஜப்பானில் மகிழ்ச்சியை குறிக்கிறது. இந்த ரயிலுக்கு குறிப்பிட்ட அட்டவணை எதுவும் கிடையாது. இந்த தனித்துவமான ரயிலை ஜப்பானியர்கள் பெருமிதமாக கருதுகின்றனர்.

டாக்டர் எல்லோ ரயிலானது ஒரு மணி நேரத்திற்கு 443 கிலோ மீட்டர் வேகத்தில் பயணித்து, ரயில் தண்டவாளங்கள் மற்றும் அவற்றின் நிலை தன்மையை சோதிக்கிறது என்பது ஆச்சரியமூட்டும் தகவலாக அமைகிறது. மேலும் இந்த ரயிலில் 7 கோச்சுகள் மட்டுமே இருப்பதால் இது வழக்கமான Shinkansen ரயில்களை காட்டிலும் சிறியதாக அமைந்திருக்கும். ரயிலின் உள்ளே தண்டவாள அமைப்பை ஆய்வு செய்வதற்காக நவீன உபகரணங்கள் அமைக்கப்பட்டிருக்கும்.

பொதுவாக இந்த ரயிலில் 2 பைலட்டுகள், 3 தண்டவாள டெக்னீஷியன்கள் மற்றும் 4 பணியாளர்கள் உட்பட 9 நபர்கள் அடங்கிய குழு பயணிப்பார்கள். அவர்கள் தகவலை கண்காணித்து உடனடியாக அதுகுறித்து பராமரிப்பு குழுவிற்கு தெரிவிப்பார்கள். ஜப்பானில் அடிக்கடி நிலநடுக்கம் ஏற்படும் என்பதால் டாக்டர் எல்லோ ரயில் அது மாதிரியான பகுதிகளுக்கு அனுப்பி வைக்கப்பட்டு ரயில் தடங்களின் பாதுகாப்பு உறுதி செய்யப்படுகிறது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…