பெண் ஆட்டோ ஓட்டுநரை சுட்டுக் கொன்ற முன்னாள் கணவர்…! படுகொலை சம்பவத்தின் பின்னணி என்ன…? | இந்தியா

அவர் ஓட்டிச்சென்ற ஆட்டோ ரோட்டோரம் கிடந்தது. அனிதாவின் உடல் சாலையோரம் கிடந்தது. இது குறித்து அனிதாவின் கணவர் கொடுத்த புகாரின்பேரில் போலீசார் வழக்குப்பதிவு செய்து விசாரணையைத் தொடங்கினர். அப்பகுதியில் உள்ள சிசிடிவி காட்சிகளை ஆய்வு செய்ததில் துப்பாக்கியுடன் வந்து, சரமாரியாக சுட்டு விட்டு தப்பிச் சென்றவர்களின் அடையாளம் தெரியவந்தது.

தேடுதல் வேட்டையைத் தீவிரப்படுத்திய போலீசார், சிசிடிவி காட்சிகளை வைத்து சிவம் மற்றும் மனோஜ் ஆகிய இருவரையும் அதிரடியாக தட்டித் தூக்கினர். அவர்களிடம் விசாரித்தபோது அதிர்ச்சித் தகவல் ஒன்று தெரியவந்தது. அவர்கள் இருவரும் தங்கள் நண்பன் முகேஷ் என்பவருக்காக இந்த கொலையை அரங்கேற்றியதாகக் கூறியுள்ளனர்.

முக்கிய குற்றவாளி முகேஷ் யார்? என விசாரித்தபோதுதான் போலீசாருக்கு பெரும் ட்விஸ்டாக இருந்தது. அந்த முகேஷ், சுட்டுக் கொல்லப்பட்ட அனிதாவின் முன்னாள் கணவர் என்பதுதான் அதிர்ச்சியை ஏற்படுத்திய அந்த ட்விஸ்ட்.

முகேஷை கண்டுபிடிக்க களத்தில் இறங்கிய போலீசார் சல்லடை போட்டு தேடுதல் வேட்டை நடத்தியபோது அவரது காரை ஆற்றுப்பாலம் ஒன்றின் அருகே கண்டுபிடித்தனர். தொடர்ந்து தலைமறைவாக இருந்து தண்ணி காட்டிவந்த முகேஷை பகவான்புரா என்ற இடத்தில் போலீசார் சுற்றி வளைத்தனர்.

படுகாயமடைந்து சுருண்டு விழுந்த முகேஷை மடக்கிப் பிடித்த போலீசார் அவரை மருத்துவமனைக்கு அழைத்துச் சென்று அனுமதித்தனர். அவரிடம் விசாரித்தபோதுதான் கொலைக்கான காரணமே தெரியவந்தது.

சம்பவத்தன்று ஆட்டோவை ஓட்டிக் கொண்டு சவாரிக்காக சென்றுகொண்டிருந்த அனிதாவை சாலை நடுவே தடுத்து நிறுத்தி சுட்டுக் கொலை செய்தது விசாரணையில் தெரியவந்தது. இதையடுத்து முகேஷை கைது செய்த போலீசார், அவரை சிறையில் அடைத்தனர்.