நேற்று மத்திய நெடுஞ்சாலையில் பிரேக் பழுதடைந்த குப்பை லாரியால் போக்குவரத்து விளக்கில் நின்று கொண்டிருந்த 14 வாகனங்கள் சேதமடைந்தன.
எவ்வாறாயினும், மதியம் 1.30 மணியளவில் நடந்த சம்பவத்தில், 41 வயதான உள்ளூர் டிரக் டிரைவர் மற்றும் பாதிக்கப்பட்ட அனைவரும் காயமடையவில்லை, மேலும் சம்பவம்குறித்து காவல் நிலையத்தில் புகார் அளித்துள்ளனர்.
இந்தச் சம்பவம்குறித்து மதியம் 2.33 மணிக்குப் போலீசாருக்கு தகவல் கிடைத்தது என்றும், ஷா ஆலமிலிருந்து கபார் நோக்கிக் குப்பை லாரி சென்று கொண்டிருந்தபோது இந்தச் சம்பவம் நடந்ததாக முதற்கட்ட விசாரணையில் தெரியவந்துள்ளதாக வடக்கு கிள்ளான் மாவட்ட போலீஸ் தலைவர் விஜய ராவ் தெரிவித்தார்.
பிரேக் பிரச்சனையுடன் இருந்த குப்பை லாரி பின்னர் பெடரல் நெடுஞ்சாலை / ஷாபடு நெடுஞ்சாலை போக்குவரத்து விளக்குகளில் நின்று கொண்டிருந்த 14 வாகனங்கள்மீது மோதியதாக அவர் கூறினார்.
“லாரி ஓட்டுநருக்குச் சிறுநீர் பரிசோதனைக்கு உத்தரவிடப்பட்டது மற்றும் தடைசெய்யப்பட்ட பொருட்கள் இல்லாதது உறுதி செய்யப்பட்டது.
“இந்த வாகனம் மேலும் ஆய்வுக்காகப் புஸ்பகத்திற்கு அனுப்பப்படும் மற்றும் சாலை போக்குவரத்து சட்டம் 1987 இன் பிரிவு 42 (1) இன் கீழ் வழக்கு விசாரிக்கப்படும்,” என்று அவர் ஒரு அறிக்கையில் தெரிவித்தார்.
முன்னதாக, சாலையில் நெரிசலை ஏற்படுத்திய சம்பவம் தொடர்பான வீடியோ சமூக வலைதளங்களில் வைரலானது.
