புதிய பணியில் சேர்ந்துள்ளீர்களா? பழைய EPF கணக்கை புதிய நிறுவனத்திற்கு ஈசியா மாற்றலாம்! இதோ வழிகள்…

எம்ப்ளாயி பிராவிடண்ட் ஃபண்ட் கணக்கை பழைய நிறுவனத்திலிருந்து புதிய நிறுவனத்திற்கு எப்படி மாற்றுவது என்பதை படிப்படியான வழிகாட்டுதல் மூலமாக இந்த பதிவில் பார்க்கலாம்.

உங்களுடைய வேலை அல்லது நிறுவனத்தை மாற்றினால் உங்களுடைய எம்ப்ளாயி பிராவிடண்ட் ஃபண்ட் அக்கவுண்ட் (EPF) என்ன ஆகும் என்பதை நினைத்து கவலையாக இருக்கிறதா? கவலையை விடுங்க… நீங்கள் வேலை பார்க்கும் புதிய நிறுவனத்திற்கு உங்களுடைய அக்கவுண்ட்டை எளிமையான முறையில் மாற்றிக் கொள்ளலாம். அதனை எப்படி செய்வது என்பதை விளக்கமாக இந்த பதிவின் மூலமாக தெரிந்து கொள்வீர்கள்.

EPF என்பது இந்திய அரசு மூலமாக வழங்கப்படும் சேமிப்பு மற்றும் ஓய்வு கால முதலீட்டு திட்டம் ஆகும். ஊழியர்களின் ஓய்வு காலத்தின் பாதுகாப்பை உறுதி செய்வதற்கு இது அரசு ஊழியர்களுக்கு கட்டாயமாக்கப்பட்டுள்ளது.

வேலை அல்லது நிறுவனத்தை மாற்றிய பிறகு பல ஊழியர்கள் தங்களுடைய EPF அக்கவுண்ட்டை மூடிவிட்டு புதிதாக ஒரு அக்கவுண்ட் ஆரம்பித்துக் கொள்கின்றனர். எனினும் இதனால் முந்தைய அக்கவுண்டில் நீங்கள் செய்த முதலீடுகளை இழக்க நேரிடுகிறது. எனவே உங்களுடைய EPF அக்கவுண்ட்டை புதிய நிறுவனத்திற்கு மாற்றுவதே இதற்கான சரியான வழியாக இருக்கும். அதனை எப்படி செய்வது என்பதை இப்பொழுது பார்ப்போம்:

அதிகாரப்பூர்வ EPFO வெப்சைட்டுக்கு சென்று உங்களுடைய UAN பயன்படுத்தி லாக்-இன் செய்யுங்கள்.

‘Online Services’ என்ற ஆப்ஷனுக்கு சென்று, “One Member – One EPF Account (Transfer Request)” என்பதை தேர்வு செய்யுங்கள்.

தேவையான விபரங்களை நிரப்பி அவற்றை உறுதிப்படுத்தவும்.

முன்கூட்டியே நிரப்பப்பட்ட படிவம் 13 -ஐ பெறுவதற்கு பதிவு செய்யப்பட்ட உங்களுடைய மொபைல் நம்பரில் அனுப்பி வைக்கப்பட்டுள்ள OTP -ஐ என்டர் செய்யுங்கள்.

படிவம் 13 -ஐ பிரிண்ட் செய்து, அதனை கையெழுத்திட்டு உங்களுடைய தற்போதைய நிறுவனத்தில் 10 நாட்களுக்குள் சமர்ப்பிக்க வேண்டும்.

உங்களுடைய தற்போதைய நிறுவனம் இதற்கான அங்கீகாரத்தை வழங்கும் வரை நீங்கள் காத்திருக்க வேண்டும். ஒவ்வொரு அங்கீகார நிலையிலும் அது சம்பந்தமான SMS நோட்டிபிகேஷன்களை பெறுவீர்கள்.

EPF அக்கவுண்ட்டை டிரான்ஸ்ஃபர் செய்வதற்கு தேவையான டாக்குமெண்ட்கள்:

அடையாள சான்றிதழ் (ஆதார் அட்டை, PAN கார்டு போன்றவை).

தற்போதைய மற்றும் முந்தைய நிறுவனம் குறித்த விவரங்கள்.

வங்கி கணக்கு விவரங்கள்.

Also Read | 
UPI பேமெண்ட்… மோசடிகளில் சிக்காமல் இருக்க இதை ஃபாலோ பண்ணுங்க போதும்!

உங்களுடைய EPF டிரான்ஸ்ஃபர் நிலையை சரி பார்ப்பது எப்படி?

உங்களின் EPF தகவல்களை காண்பதற்கு உங்களுடைய UAN மற்றும் பாஸ்வேர்ட் பயன்படுத்தி EPFO மெம்பர் போர்ட்டலில் லாகின் செய்யுங்கள்.

“Services” என்பதை கிளிக் செய்து, “Track Claim Status” என்ற ஆப்ஷனை தேர்வு செய்யுங்கள்.

உங்களுடைய டிரான்ஸ்ஃபர் எந்த நிலையில் இருக்கிறது என்பதை தெரிந்துகொள்ள நீங்கள் விண்ணப்பத்தை சமர்ப்பித்த போது உங்களுக்கு வழங்கப்பட்ட ரெஃபரென்ஸ் எண்ணை என்டர் செய்யவும்.

.