Last Updated:
ஆகஸ்ட் 2026-ல் நடைபெற்ற பாங்கிபூர் தொகுதி இடைத்தேர்தலில் பிரசாந்த் கிஷோர் போட்டியிட்டு வெற்றி பெற்றதன் மூலம் தனது முதல் கணக்கைத் தொடங்கினார்
பிரபல தேர்தல் வியூக நிபுணரான பிரசாந்த் கிஷோர், பீகாரில் தொடங்கிய தனது ‘ஜன் சுராஜ்’ (Jan Suraaj Party – JSP) கட்சியை மாநில எல்லைகளைத் தாண்டி டெல்லியிலும் முறைப்படி விரிவுபடுத்தத் திட்டமிட்டுள்ளார். இதற்கான முதற்கட்டமாக, டெல்லியில் கட்சியின் கட்டமைப்பை உருவாக்கவும், வழிகாட்டுதல் குழுவை அமைக்கவும் ஆதரவாளர்களுடனான முக்கிய ஆலோசனைக் கூட்டத்திற்கு அவர் ஏற்பாடு செய்துள்ளார்.
பீகார் மாநிலத்திற்கு வெளியே ஜன் சுராஜ் கட்சியின் முதல் பெரிய அரசியல் விரிவாக்கமாக டெல்லி அமையவுள்ளது. வரவிருக்கும் 2027 டெல்லி மாநகராட்சி (MCD) தேர்தல், 2029 மக்களவைத் தேர்தல் மற்றும் 2030 டெல்லி சட்டப்பேரவைத் தேர்தல் ஆகிய அனைத்துத் தேர்தல்களிலும் போட்டியிடுவதை இலக்காகக் கொண்டு இக்கட்சி செயல்படத் திட்டமிட்டுள்ளது.
டெல்லி பல்கலைக்கழகப் பேராசிரியர் சாந்தனு குமார், வழக்கறிஞர் ததாகத் ஹர்ஷவர்தன் மற்றும் முன்னாள் காவல்துறை அதிகாரி ஜே.பி. சிங் போன்ற முக்கிய பிரமுகர்கள் டெல்லி கிளையின் அமைப்பில் இடம்பெற வாய்ப்புள்ளதாகக் கூறப்படுகிறது.
அக்டோபர் 2, 2024 அன்று தொடங்கப்பட்ட ஜன் சுராஜ் கட்சி, நவம்பர் 2025 பீகார் சட்டப்பேரவைத் தேர்தலில் 238 தொகுதிகளில் போட்டியிட்டு வெற்றி பெறத் தவறியது. இருப்பினும், ஆகஸ்ட் 2026-ல் நடைபெற்ற பாங்கிபூர் தொகுதி இடைத்தேர்தலில் பிரசாந்த் கிஷோர் போட்டியிட்டு வெற்றி பெற்றதன் மூலம் தனது முதல் கணக்கைத் தொடங்கினார்.
டெல்லியில் சுமார் 25% வாக்கு வங்கியைக் கொண்டுள்ள பூர்வாஞ்சல் (Purvanchal) மக்களைக் கவரவும், டெல்லியின் பிரதான பிரச்சினைகளான காற்று மாசுபாடு மற்றும் யமுனை நதி தூய்மைப்படுத்துதல் போன்ற வாழ்வாதாரப் பிரச்சினைகளை முதன்மைப்படுத்தியும் ஜன் சுராஜ் கட்சி தனது பிரச்சாரத்தை முன்னெடுக்கத் திட்டமிட்டுள்ளது.
