பி.வி. சிந்து – வெங்கட தத்தா சாய் திருமண வரவேற்பு நிகழ்ச்சியில் நடிகர் அஜித் குமார்

ஒலிம்பிக்கில் இரண்டு பதக்கம் வென்ற வீராங்கனை பி.வி.சிந்து, ஹைதராபாத்தை தலைமையிடமாகக் கொண்டு செயல்படும் போசிடெக்ஸ் டெக்னாலஜிஸ் நிறுவனத்தின் செயல் இயக்குநர் வெங்கட தத்தா சாயை கரம்பிடித்துள்ளார்.

இவர்களது திருமண விழா, ராஜஸ்தானின் ஜெய்ப்பூரில் கடந்த 22-ஆம் தேதி நடைபெற்றது. இந்த திருமண நிகழ்ச்சியில் நெருங்கிய உறவினர்கள் மற்றும் நண்பர்கள் மட்டுமே அனுமதிக்கப்பட்டிருந்தார்கள்.

இதையும் படிக்க: நெருங்கிய உறவினர்கள் மட்டுமே பங்கேற்ற பி.வி. சிந்து திருமணம்… மத்திய அமைச்சர் வெளியிட்ட ஃபோட்டோ வைரல்

இந்நிலையில், திருமண வரவேற்பு விழா, ஹைதராபாத்தில் நேற்று நடைபெற்றது. இதில், நடிகர் அஜித், தனது மனைவி ஷாலினி, மகன், மகள் ஆகியோருடன் திருமண விழாவில் கலந்துகொண்டார்.

பி.வி. சிந்து – வெங்கட தத்தா சாய் ஆகியோரின் திருமண வரவேற்பு நிகழ்ச்சியில் நடிகர் அஜித்குமார் கலந்துகொண்ட வீடியோ தற்போது இணையத்தில் வேகமாக பரவி வருகிறது.