Last Updated:
பிரேமானந்த் மகாராஜ் ஆசிரமத்திற்கு செல்ல 5 கோடி ரூபாய் பெற்றதாக வெளியான குற்றச்சாட்டை விராட் கோலி தரப்பு திட்டவட்டமாக மறுத்துள்ளது.
உத்தரப்பிரதேசத்தில் உள்ள பிரேமானந்த் மகாராஜ் என்ற சாமியாரின் இந்த ஆசிரமத்திற்கு செல்ல 5 கோடி ரூபாய் பெற்றதாக வெளியான தகவலை விராட் கோலி தரப்பு மறுத்துள்ளது.
உத்தரப்பிரேதச மாநிலம் பிருந்தாவனத்தில் உள்ள பிரேமானந்த் மகாராஜ் என்ற சாமியாரின் ஆசிரமத்திற்கு, இந்திய கிரிக்கெட் வீரர் விராட் கோலி மற்றும் அனுஷ்கா சர்மா வழக்கமாக செல்வர். இந்நிலையில், மத அமைப்பு ஒன்றின் தலைவரான தினேஷ் சர்மா என்ற பலஹாரி மகாராஜ், விராட் கோலி மீது பரபரப்பான குற்றச்சாட்டு ஒன்றை முன்வைத்தார். அதில், பிரேமானந்த் மகாராஜின் புகழை அதிகரிக்க, ராஜஸ்தானை சேர்ந்த தனியார் நிறுவனம் 5 கோடி ரூபாய் கொடுத்து விராட் கோலியை ஆசிரமத்திற்கு அழைத்து வந்ததாக கூறப்பட்டது.
இந்நிலையில் இந்த குற்றச்சாட்டை விராட் கோலியின் செய்தி தொடர்பாளர் திட்டவட்டமாக மறுத்துள்ளார். பலஹாரி மகாராஜ் கூறிய தகவல் முற்றிலும் உண்மைக்கு புறம்பானது என்றும், அடிப்படை ஆதாரமற்றவை என்றும் குறிப்பிட்டுள்ளார். மேலும், தனது ஆழ்ந்த பக்தி மற்றும் நம்பிக்கை காரணமாகவே பிரேமானந்த் மகாராஜாவை விராட் கோலி நேரில் சந்தித்து ஆசி பெறுவதாகவும் விளக்கம் அளித்துள்ளார்.
