Last Updated:
ரியோ கார்னிவல் திருவிழாவில், பிரேசில் நாட்டுக்கே உரிய சம்பா நடனங்களும் அணிவகுப்புகளும் இடம்பெற்றிருந்தன.
பிரேசிலின் ரியோ டி ஜெனீரா நகரில் நடைபெற்றுவந்த கார்னிவல் திருவிழாவின் நிறைவைக் குறிக்கும் வகையில் நடைபெற்ற அணிவகுப்பின் காட்சிகள் பலரையும் கவர்ந்துள்ளது.
ஒவ்வோர் ஆண்டும் நடைபெறும் ரியோ கார்னிவல் திருவிழாவில், பிரேசில் நாட்டுக்கே உரிய சம்பா நடனங்களும் அணிவகுப்புகளும் இடம்பெறுவது வழக்கம். இதில், சம்பா நடனத்தை பயிற்றுவிக்கும் பள்ளிகளைச் சேர்ந்த மாணவர்களும் பங்கேற்பார்கள். அந்த வகையில் நடைபெற்று வந்த கார்னிவல் நிறைவு விழா, ஞாயிற்றுக்கிழமை நடைபெற்றது. இதில், அணிவகுப்பில் முதல் 6 இடங்களைப் பெற்ற சம்பா பயிற்சிப் பள்ளிகளைச் சேர்ந்தவர்கள் வண்ண வண்ண உடைகளில் வலம் வந்தனர்.
பிரேசிலின் பழங்குடியினர் அணிவதுபோன்ற பாரம்பரிய உடைகளை அணிந்து, வித்தியாசமான இசைக்கு வண்ண மிகு ஒளிவிளக்கு வெள்ளத்தில் உடலை வளைத்து நெளிந்து ஆடினர். மொத்தம் 12 சம்பா பள்ளிகள் பங்கேற்ற இந்த அணிவகுப்பில், விராடுவோரா பள்ளி நான்காவது ஆண்டாக வெற்றி பெற்றுள்ளது. இதற்கு முன்பு, 1997, 2020 மற்றும் 2024 ஆம் ஆண்டுகளில் வெற்றி பெற்றிருந்த விராடுவோரா, மீண்டும் வாகை சூடியுள்ளது.
Click here to add News18 as your preferred news source on Google. Feb 24, 2026 10:01 AM IST
