பிரீமியம் கிரெடிட் கார்டை அறிமுகம் செய்த கோடக் மஹிந்திரா வங்கி.. பயன்கள், சலுகைகள் இதோ!

கோடக் மகேந்திரா வங்கியின் பொருளாதார சேவைகளோடு வலிமையான ஒரு உறவு மற்றும் ஆரோக்கியமான பொருளாதார வரலாறு கொண்ட தனி நபர்கள் அல்லது குடும்பங்களுக்கு மட்டுமே இந்த அழைப்பு விடுக்கப்படும். இதன் மூலமாக ‘Kotak Solitaire’ என்பது உண்மையில் ஒரு பிரத்தியேகமான ஆஃபராக இருக்கும். ‘Kotak Solitaire’ அழைப்பு பெறும் நபர்களுக்கு தனிப்பயனாக்கப்பட்ட கடன்கள் மற்றும் தேர்ந்தெடுக்கப்பட்ட சில வாழ்க்கை முறை சலுகைகள் வழங்கப்படும். வங்கியில் கடன்கள் வாங்குவது மற்றும் ஆரோக்கியம் சார்ந்த திட்டங்கள் ஆகியவற்றின் ஒரு சிறப்பு அனுபவத்தைப் பெறுவதற்கு இந்த பிரீமியம் கார்டு உதவும். அது மட்டுமல்லாமல், உங்களுடைய இலக்குகள் மற்றும் கனவுகளை பூர்த்தி செய்யும் வகையிலான இன்சூரன்ஸ் மற்றும் செல்வ சேமிப்பு யுக்திகள் அடங்கிய பலன்களையும் இந்த பிரீமியம் கார்டு கொண்டுள்ளது.

‘Kotak Solitaire’ பிரீமியம் கார்டில் முன்னதாக அங்கீகரிக்கப்பட்ட 8 கோடி ரூபாய் வரையிலான ஹோம் லோன், பர்சனல் லோன் மற்றும் கிரெடிட் கார்டு போன்றவை அடங்கும். நீங்கள் மாத வருமானம் பெறும் நபராகவோ அல்லது தொழிலதிபராகவோ இருந்தால், உங்களுடைய தேவையைப் பொறுத்து குறிப்பிட்டு அமைக்கப்பட்ட பொருளாதாரத் தீர்வுகளை இதன் மூலமாகப் பெறுவீர்கள். மேலும் குடும்பத்தை மையமாகக் கொண்டு பகிரப்பட்ட கடன் உச்சவரம்புகள் மற்றும் குடும்பத்தில் உள்ள அனைத்து உறுப்பினர்களுக்கான சலுகைகள் ஆகியவற்றையும் இந்த பிரீமியம் கார்டு வழங்குகிறது.

மேலும் கோடக் அன்பாக்ஸ் மூலமாக பயணங்களுக்கு கஸ்டமர்கள் 10 சதவீத ஏர் மைல்களைப் பெற்றுக் கொள்ளலாம் மற்றும் பிற செலவுகளுக்கு 3 சதவீத ஏர் மைல்கள் வழங்கப்படுகிறது. இந்த கார்டை பயன்படுத்தி விமானங்கள், ஹோட்டல் போன்றவற்றை புக்கிங் செய்யலாம். ஒரு ஸ்டேட்மெண்ட் சைக்கிளில் குறிப்பிட்ட சில பிரிவுகளுக்கு ஒரு லட்ச ரூபாய் ஏர் மைல்கள் என்ற உச்சவரம்பை கோடக் மகேந்திரா வங்கி அமைத்துள்ளது.