பிசிசிஐ-யின் ஊதிய ஒப்பந்தம்.. ஸ்ரேயஸ் ஐயருக்கு அடிக்கப் போகும் ஜாக்பாட்..

இந்திய கிரிக்கெட் அணியில் விளையாடும் குறிப்பிட்ட வீரர்களுடன் மட்டும் பிசிசிஐ ஒப்பந்தம் செய்து, ஆண்டுதோறும் பல்வேறு நிலைகளாக ஊதியம் வழங்கி வருகிறது. அதன்படி ஏ பிளஸ் பிரிவில் நட்சத்திர வீரர்களான ரோகித், விராட் கோலியும் உள்ள நிலையில், அவர்கள் அதே பிரிவில் தொடருவார்கள் எனத் தெரிகிறது.

டி20 சர்வதேச கிரிக்கெட் போட்டிகளில் இருந்து விராட் கோலியும், ரோகித் சர்மாவும் ஓய்வுபெற்றுள்ள நிலையிலும் இருவரும் ஏ பிளஸ் பிரிவிலேயே தொடருவார்கள் எனக் கூறப்படுகிறது. இவர்கள் இருவருக்கும் சம்பளமாக 7 கோடி ரூபாய் அளிக்கப்பட இருக்கிறது.

இதேபோல் ஊதிய ஒப்பந்தத்தில் கடந்த முறை இடம் பெறாமல் இருந்த ஸ்ரேயஸ் மீண்டும் இடம்பிடிப்பார் என்று பிசிசிஐ வட்டாரங்கள் தெரிவிக்கின்றன

ஏ பிரிவு ஒப்பந்தத்தை ஸ்ரேயஸ் பெறும்பட்சத்தில் அவருக்கு சம்பளமாக 5 கோடி ரூபாய் வழங்கப்படும். ரஞ்சிக்கோப்பை போட்டிகளில் விளையாடிய ஸ்ரேயஸ், 5 போட்டிகளில் 480 ரன்கள் விளாசினார்.

இதையும் படிங்க – IPL 2025 | 9-வது பேட்ஸ்மேனாக தோனி களமிறங்குவது ஏன்? – பயிற்சியாளர் ஃபிளமிங் பகிர்ந்த தகவல்!

சையது முஸ்டாக் அலி, விஜய் ஹசாரே கோப்பை, சாம்பியன்ஸ் டிராபி போட்டிகளிலும் ஸ்ரேயஸ் அபார ஆட்டத்தை வெளிப்படுத்தியதால், பிசிசிஐ ஊதிய ஒப்பந்தத்தில் இடம்பிடிப்பார் என்று கூறப்படுகிறது.