பாலியல் வழக்கு; ஜாமீன் கோரிய பிரஜ்வல் ரேவண்ணாவின் மனுவை தள்ளுபடி செய்த உச்சநீதிமன்றம்

இந்த விவகாரத்தில் பிரஜ்வல் ரேவண்ணா நாடு திரும்பி விசாரணையை எதிர்கொள்ள அவரது தாத்தா தேவகௌடா கேட்டுக்கொண்டார். அதனைத் தொடர்ந்து அவர் இந்தியா திரும்பினார். அப்போது அவரை பெங்களூரு விமான நிலையத்தில் வைத்து சிறப்பு விசாரணை குழு கைது செய்து விசாரணையையும் தீவிரப்படுத்தியது.

பல்வேறு கட்ட விசாரணைக்கு பிறகு சிறப்பு விசாரணை குழு, பிரஜ்வல் ரேவண்ணா மீது ஆகஸ்ட் மாதம் 2,144 பக்கங்கள் கொண்ட குற்றப்பத்திரிகையை தாக்கல் செய்தது. இதனையடுத்து அவர் கர்நாடகா உயர்நீதிமன்றத்தில் ஜாமீன் கோரி மனு தாக்கல் செய்தார். அந்த மனுவை விசாரித்த கர்நாடகா உயர் நீதிமன்றம் அவரின் ஜாமீன் மனுவை தள்ளுபடி செய்து உத்தரவிட்டது.

இதையும் படியுங்கள் :
“என்னை அழைத்தால் நான் செல்வேன்” – எடப்பாடி பழனிசாமிக்கு உதயநிதி ஸ்டாலின் பதில்!

அதனைத் தொடர்ந்து அவர், தனக்கு ஜாமீன் கேட்டு உச்சநீதிமன்றத்தில் மனு தாக்கல் செய்திருந்தார். அந்த மனு இன்று நீதிபதிகள், பேலா எம் திரிவேதி மற்றும் சத்திஷ் சந்திர ஷர்மா ஆகியோர் அடங்கிய அமர்வுக்கு முன்பு விசாரணைக்கு வந்தது.

இதனை விசாரித்த உச்சநீதிமன்ற அமர்வு, பிரஜ்வல் ரேவண்ணா மிகவும் செல்வாக்கு மிக்க நபர் எனவே அவருக்கு ஜாமீன் வழங்க முடியாது எனக் கூறி அவரது ஜாமீன் மனுவை தள்ளுபடி செய்தது. மேலும், ஜாமீன் மறுத்த கர்நாடகா உயர் நீதிமன்றத் தீர்ப்பிலும் தலையிட முடியாது எனத் தெரிவித்தது.

.