பாக்.முன்னாள் பிரதமர் இம்ரான் கானுக்கு 7 ஆண்டுகள் சிறை.. சட்டவிரோத திருமண வழக்கில் நீதிமன்றம் அதிரடி!

சட்டவிரோத திருமண வழக்கில், பாகிஸ்தான் முன்னாள் பிரதமர் இம்ரான் கான் மற்றும் அவரது மனைவி புஷ்ரா பீவிக்கு 7 ஆண்டுகள் சிறை தண்டனை விதிக்கப்பட்டுள்ளது.

பாகிஸ்தான் முன்னாள் பிரதமரும், தெஹ்ரிக் இ இன்சாப் கட்சியின் தலைவருமான இம்ரான் கான் மீது அந்நாட்டு அரசு பல்வேறு வழக்குகளை பதிவு செய்தது. இதில், ஊழல் வழக்கில், இம்ரான் கான் 3 ஆண்டுகள் சிறை தண்டனை அனுபவித்து வரும் நிலையில், அரசு ரகசியங்களை கசியவிட்ட குற்றத்திற்கு 10 ஆண்டுகள் மற்றும் அரசு கருவூலப் பொருட்களை பதுக்கிய வழக்கில் 14 ஆண்டுகள் சிறை தண்டனை விதிக்கப்பட்டது.

இந்நிலையில், இஸ்லாமிய நடைமுறைக்கு எதிராக திருமணம் செய்த வழக்கில் இம்ரான் கான் மற்றும் அவரது மனைவி புஷ்ரா பீவிக்கு 7 ஆண்டுகள் சிறை தண்டனை விதிக்கப்பட்டுள்ளன.  இம்ரான் கான் மனைவியின் முன்னாள் கணவர் தொடுத்த இவ்வழக்கில், மறுமணத்திற்கான கட்டாய காத்திருப்பு காலத்தை மீறியதாக குற்றம்சாட்டப்பட்டது.

இதையும் படிங்க : எலான் மஸ்க் முதல் வாரன் பஃபெட் வரை… உலகின் மாபெரும் பணக்காரர்களின் கல்வி தகுதி என்ன தெரியுமா?

ராவல்பிண்டி நீதிமன்றத்தில் நடைபெற்ற இவ்வழக்கு விசாரணையில், இம்ரான் கான் மற்றும் அவரது மனைவி இஸ்லாமிய நடைமுறைகளை மீறி திருமணம் செய்தது உறுதியானதால் 7 ஆண்டுகள் சிறை தண்டனை விதிக்கப்பட்டது. கடந்த ஒரு வாரத்தில் மட்டும் இம்ரான் கானுக்கு 3 வழக்குகளில் அடுத்தடுத்து சிறை தண்டனை விதிக்கப்பட்டு இருப்பது குறிப்பிடத்தக்கது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…