பாகிஸ்தானின் GDP ஒரே மாலையிலா..? மணமகனின் திருமண பரிசை கிண்டல் செய்யும் நெட்டிசன்கள்!

மணமகன் கிட்டத்தட்ட 2,000 கரன்சி நோட்டுகளால் ஆன மாலையை அணிந்திருப்பதை அந்த வீடியோவில் காண முடிகிறது. இந்த பண மாலையின் மதிப்பு சுமார் 1 லட்சம் பாகிஸ்தான் ரூபாய் (சுமார் ரூ.30,000 இந்திய ரூபாய்) என மதிப்பிடப்பட்டுள்ளது.

பாகிஸ்தானின் பஞ்சாபில் உள்ள கோட்லா ஜாம் பகுதியைச் சேர்ந்த மணமகனின் சகோதரரால் உருவாக்கப்பட்ட திருமண பரிசு, செல்வம் மற்றும் கொண்டாட்டத்தின் சின்னமாக வழங்கப்பட்டுள்ளது.

விளம்பரம்

யூடியூப்பில் வெளியிடப்பட்ட வீடியோவில், பல ஆண்கள் சேர்ந்த ஒரு குழு பெரிய பண மாலையை, மிகவும் கவனமாக திருமண இடத்திற்கு கொண்டு வருவதைக் காண முடிகிறது. இதையடுத்து அந்த பண மாலையை அவர்கள் மணமகனுக்கு பரிசாக வழங்குகிறார்கள். வீடியோவாக பதிவு செய்யப்பட்ட இந்த தருணத்தை சமூக வலைதளத்திலும் அவர்கள் பகிர்ந்துள்ளனர். இந்த வீடியோவுக்கு நல்ல வரவேற்பு கிடைத்ததை அடுத்து, பலராலும் பகிரப்பட்டு இந்த வீடியோ வைராலானது.

ஆசியாவில் நடக்கும் திருமணங்களில் பண மாலைகளை போடுவது ஒன்றும் அசாதாரணமான விஷயம் இல்லை என்றாலும், பாகிஸ்தானிய மணமகனின் 35 அடி பணமாலை இணையத்தில் வரவேற்பைப் பெற்றுள்ளது.

குறிப்பாக, இன்ஸ்டாகிராமில் இந்த வீடியோ பலரின் கவனத்தையும் ஈர்த்தது. அந்த இன்ஸ்டாகிராம் வீடியோவில் “பாகிஸ்தானில் எது வேண்டுமானாலும் நடக்கும்” என்று ஒருவர் தனது கருத்தை பதிவு செய்துள்ளார். மற்றொருவர் கேலியாக, “அவர் நாட்டின் மொத்த உள்நாட்டு உற்பத்தியையும் (GDP) அணிந்துள்ளார் என்று ஒருவரும் தெரிவித்துள்ளார்.

.