பாகப்பிரிவினை சிக்கலை தீர்க்க இதுதான் வழி! – News18 தமிழ்

பீகார் மாநிலம் சமஸ்திபூரைச் சேர்ந்த சுரேஷ் குமார் என்பவர் கடந்த 10 ஆண்டுகளாக டெல்லியில் வசித்து வருகிறார். நல்ல சம்பளம் மற்றும் நிலையான வேலை காரணமாக, சுரேஷ் டெல்லியிலேயே வீட்டை கட்டி குடும்பத்துடன் குடியேறிவிட்டார். 40 வயதைத் தாண்டிவிட்டதால், அவர் ஊரில் சென்று வாழும் எண்ணம் இல்லை. சுரேஷின் பெற்றோரும் தாத்தாவும் இறந்துவிட்டதால், கிராமத்தில் இருக்கும் சொத்திற்கு உரிமை கொண்டாடியபோது சிக்கல்களை எதிர்கொண்டார்.

அதாவது கிராமத்தில் வசிக்கும் அவரது அத்தைகள் சொத்தை பிரித்துக் கொடுக்காமல் முழு உரிமையையும் கொண்டாட விரும்புகின்றனர். இத்தகைய சூழ்நிலையில், சுரேஷுக்கு என்ன வாய்ப்புகள் மற்றும் உரிமைகள் உள்ளன மற்றும் அவர் தனது சொத்தின் உரிமையை எவ்வாறு பெற முடியும்.

சொத்து மற்றும் சொத்து விவகாரங்களில் நிபுணரான பிரதீப் மிஸ்ரா கூறுகையில், இதுபோன்ற சந்தர்ப்பங்களில், சொத்தைப் பிரிப்பதற்காக வழக்குத் தாக்கல் செய்வது மிகவும் பயனுள்ள மற்றும் பாதுகாப்பான வழி. சொத்தின் பங்குதாரராக இருக்கும் எந்தவொரு தரப்பினரும் இந்த வழக்கை தாக்கல் செய்யலாம். இந்த வழக்கிற்கான கட்டணம் ரூ.500 மட்டுமே, நீதிமன்றத்தில் தாக்கல் செய்வதற்கு முன் சில ஆவணங்கள் தேவை.

தேவையான ஆவணங்கள்

1. சட்டப்பூர்வ வாரிசுக்கான அடையாளச் சான்று
2. சொத்தின் அனைத்து உரிமைப் பத்திரங்களின் சான்றளிக்கப்பட்ட நகல் மற்றும் சொத்தின் விவரங்கள்.
3. சொத்து மதிப்பீடு
4. சட்டப்பூர்வ வாரிசின் பிறப்பு மற்றும் வசிக்கும் முகவரி
5. வாரிசின் குடியிருப்பு சான்றிதழ்
6. இறந்த உரிமையாளரின் அசல் இறப்பு சான்றிதழ்
7. இறந்தவரின் குடியிருப்பு சான்றிதழ்

12 ஆண்டுகளுக்குள் வழக்கு தாக்கல் செய்ய வேண்டும்

உங்கள் தந்தை அல்லது தாத்தா இறந்து 12 ஆண்டுகளுக்குள் உங்கள் சொத்தைப் பிரிப்பதற்கான வழக்கைத் தாக்கல் செய்வது முக்கியம். சொத்துச் சட்டத்தின்படி, பங்காளிகள் சொத்தை முழுமையாக பயன்படுத்தி 12 ஆண்டுகள் ஏகபோக உரிமை வைத்திருந்தால், அதைச் சொந்தமாக்குவதில் நீங்கள் பல சட்டச் சிக்கல்களைச் சந்திக்க வேண்டியிருக்கும்.

இதையும் படிங்க:
கலைஞர் மகளிர் உரிமைத் தொகை விரிவாக்கம் – ரூ.1000 யார் யாருக்கெல்லாம் கிடைக்கும்? – விவரம்

சொத்தைப் பிரிப்பதற்கான வழக்கைத் தாக்கல் செய்வதைத் தவிர, உங்கள் சொத்தை பகிர்வு பத்திரம் மூலமாகவும் பிரிக்கலாம். ஆனால், இதற்கு பங்காளிகளின் சம்மதம் முக்கியமானது. அவர்கள் எந்தவொரு பிரச்சனையும் செய்யாமல் பரஸ்பரமாக சொத்தை பங்கிட்டு கொள்ள முன்வந்தால் எளிதாக, சொத்தை பிரித்து முத்திரைத் தாளில் பத்திரம் எழுதி, துணைப் பதிவாளர் அலுவலகத்தில் பதிவு செய்து விடலாம்.

ஆனாலும், இதில் சில விஷயங்கள் சேர்க்கப்பட வேண்டும். வில்லங்கம் எதுவும் இல்லை என்பதற்கான சான்றிதழோடு, பிரிவினைக்குப் பிறகு யாருக்கு என்ன பங்கு உள்ளது, உரிமைப் பத்திரங்களைத் தயாரித்தல், எல்லா சூழ்நிலைகளையும் குறிப்பிடுவது மற்றும் ஏற்கனவே உள்ள சட்டங்கள் பற்றிய தகவல் போன்ற தகவல்களைச் சேர்ப்பது முக்கியம்.

.