பல்வேறு வயதில் உள்ள குழந்தைகளுக்கு நிதி கல்வியறிவுக்கான வழிகாட்டி.. முழு விவரம் இதோ! | வணிகம்

இந்தக் கட்டத்தில், புலன் அனுபவங்கள் மூலம் பணத்தை உறுதியானதாகவும் வேடிக்கையாகவும் மாற்றுவதில் கவனம் செலுத்துங்கள். குழந்தைகள் போலியான விருந்து கொண்டாட்டங்களுக்கு “பணம்” செலுத்துவது போல் விளையாட்டு நேரத்தில் நாணயங்கள் மற்றும் ரூபாய் நோட்டுகளை அவர்களுக்கு அறிமுகப்படுத்துங்கள். இந்த எளிய பரிமாற்றம் மூலம் பொருட்களையும் சேவைகளையும் பணத்தால் பெற முடியும் என்பதை கற்பித்து இளம் மனங்களில் அடித்தளத்தை அமைக்கிறது.

அடிப்படை பகுத்தறிவு திறன் கொண்ட இந்த வயது குழந்தைகளால், சேமிப்பு, திட்டமிடல் மற்றும் தங்களது தேவைகள் மற்றும் விருப்பங்களைப் புரிந்துகொள்ள முடியும். பொம்மை வாங்குவதற்காகச் சேமிப்பது அல்லது திடீர் செலவுகள் போன்றவற்றை ஊக்குவிக்க வாரம்தோறும் சிறிது பணம் வழங்குங்கள்.

பதின்ம வயதுக்கு முந்தைய குழந்தைகள் இலக்கு நிர்ணயம் மற்றும் பொறுப்புணர்வு ஆகியவற்றில் சிறந்து விளங்குகிறார்கள். புதிய புத்தகம் அல்லது பைக் போன்ற தனிப்பட்ட இலக்குகளுக்காக சேமிக்க அவர்களை வழிநடத்துங்கள். அதே நேரத்தில் முயற்சி செய்தால் வருவாய் ஈட்டலாம் என்பதை சொல்லுங்கள். இது சம்பாதித்த பணத்தின் மதிப்பை வலுப்படுத்துகிறது மற்றும் ஒழுக்கமான சேமிப்பை ஊக்குவிக்கிறது.

செலவுகளைக் கண்காணிப்பது அல்லது வங்கியில் அடிப்படை சேமிப்புக் கணக்குகளைத் திறப்பதற்கான செயலிகள் போன்ற நிஜ கருவிகளைப் பயன்படுத்துவதில் டீனேஜர்களை பழக்கப்படுத்த வேண்டும். டிஜிட்டல் பேமெண்ட், சேமிப்புக் கணக்குகள், வட்டி மற்றும் கடனின் பொறுப்பான பயன்பாடு போன்றவற்றை அவர்களிடம் பேசுங்கள். அவர்களின் வருமானம் மற்றும் செலவுகளை கண்காணிக்க ஊக்குவிப்பது ஆரம்பத்திலேயே பட்ஜெட் மற்றும் கடன் மேலாண்மை குறித்த விழிப்புணர்வை உருவாக்குகிறது.

வயதுக்கு வந்த இளைஞர்களுக்கு 50/30/20 விதியின் மூலம் பட்ஜெட் செய்தல் (50% தேவைகள், 30% விருப்பங்கள், 20% சேமிப்பு), அவசர நிதிகள் மற்றும் பரஸ்பர நிதிகள் அல்லது கூட்டுத்தொகை போன்ற முதலீட்டு அடிப்படைகளை சொல்லிக் கொடுக்க வேண்டும். கடனில் சிக்குவதை தவிர்க்க கிரெடிட் ஸ்கோர், கடன் விதிமுறைகள், வரிகள் மற்றும் மோசடி தடுப்பு ஆகியவற்றை கற்றுக் கொடுங்கள்.