பர்சனல் லோன் வாங்க போறீங்களா? அப்போ கட்டாயம் இதை தெரிஞ்சுக்கோங்க! | வணிகம்

ஒருவேளை உங்களுக்கு பணம் தேவைப்பட்டு, ஒரு பர்சனல் லோனை எடுக்கலாம் என்று யோசித்துக் கொண்டிருந்தால் நீங்கள் எச்சரிக்கையாக இருக்க வேண்டும். மார்க்கெட்டில் பல்வேறு போலியான அப்ளிகேஷன்கள் மற்றும் மோசடிக்காரர்கள் விலை அதிகமான கடன்களை கொடுத்து அவர்களுடைய வலைக்குள் உங்களை சிக்க  வைக்கலாம். எனவே இந்த பதிவில் ஒரு லோனை எடுப்பதற்கு முன்பு நீங்கள் மனதில் வைத்துக் கொள்ள வேண்டிய விஷயங்கள் என்னென்ன என்பதை பார்க்கலாம்.

பலர் இன்ஸ்டன்ட் பர்சனல் லோன் அப்ளிகேஷன்களை தேர்வு செய்வதற்கு ஒரு முக்கிய காரணம் அதில் எந்த ஒரு ஆவணமும் தேவையில்லை என்பதாலும், உடனடியாக பணம் கிடைத்துவிடும் என்ற காரணத்தினாலும் தான். ஆனால் இந்த லோன்கள் என்பது அதிக வட்டியோடு வருகிறது. அதாவது சில சமயங்களில் ஒரு வருடத்திற்கு 40% முதல் 50% வரை கூட வட்டி வசூலிக்கப்படுகிறது. எனவே எப்போதும் ஒரு வங்கி அல்லது ரிசர்வ் பேங்க் ஆஃப் இந்தியா அங்கீகரித்த நிறுவனத்தில் இருந்து ஒரு கடன் வாங்குவது பாதுகாப்பானதாகவும், அதே சமயத்தில் குறைவான வட்டியிலும் கிடைக்கும்.

தேவைக்கு மட்டுமே கடன் வாங்கவும்:

ஒரு சிலர் தங்களுடைய தேவைக்கும் அதிகமாக அடிக்கடி கடன் வாங்குவதை பழக்கமாகக் கொண்டிருக்கின்றனர். ஆரம்பத்தில் அது பரவாயில்லை என்று தோன்றினாலும், உங்களுடைய வருமானம் குறையும் போது அந்த கடனை திருப்பி செலுத்துவதற்கு நீங்கள் சிரமப்படுவீர்கள். எனவே எப்பொழுதும் உங்களுக்கு உண்மையில் பணம் தேவை ஏற்பட்டாலே ஒழிய கடன் வாங்குவதை தவிர்க்கவும்.

சரியான நேரத்தில் திருப்பி செலுத்தவும்:

கடன் வாங்கும் பலர் பேமெண்ட் செலுத்த வேண்டிய தேதியை மறந்து விடுவதுண்டு. இதனால் அபராதங்கள் மற்றும் சில சமயங்களில் வட்டி அதிகரிக்கப்படுவதற்கு வாய்ப்புகள் உள்ளது. எனவே எப்பொழுதும் உங்களுடைய தவணை தொகையை சரியான நேரத்தில் செலுத்த மறக்காதீர்கள்.

குறைந்த வட்டி கொண்ட கடன்கள்:

மார்க்கெட்டில் பல்வேறு லோன் ஆப்ஷன்கள் கிடைக்கிறது. குறைவான வட்டி விகிதம் கொண்ட கடன்களை தேர்வு செய்யுங்கள். அதே சமயத்தில் உங்களுடைய கடனை திருப்பி செலுத்தும் கால அவகாசத்தை சிறியதாக வைத்துக் கொள்வது வட்டியை குறைப்பதற்கு உதவும்.

சிபில் ஸ்கோரை பராமரிக்கவும்:

கடனை நீங்கள் சரியான நேரத்தில் திருப்பி செலுத்தா விட்டால் அது உங்களுடைய சிபில் ஸ்கோரை குறைக்கலாம். இதனால் எதிர்காலத்தில் கடன் வாங்குவது உங்களுக்கு சிக்கலாக அமையும். எனவே நல்ல கிரெடிட் ஸ்கோர் வைத்திருப்பதற்கு லோன் பேமெண்ட்களை சரியான நேரத்தில் திருப்பி செலுத்த மறக்காதீர்கள்.