Last Updated:
இந்தச் சர்வதேச நெட்வொர்க்கில் தொடர்புடைய மற்ற நபர்கள் குறித்து அமலாக்கத்துறை தொடர்ந்து தீவிர விசாரணை நடத்தி வருகிறது.
சர்வதேச போதைப்பொருள் கடத்தல் மற்றும் பணமோசடி விவகாரத்தில், அமலாக்கத்துறை இன்று டெல்லி உட்பட இந்தியா முழுவதும் மொத்தம் 26 இடங்களில் சோதனைகளை நடத்தியுள்ளது.
கோவா காவல்துறையின் போதைப்பொருள் தடுப்புப் பிரிவு பதிவு செய்த முதல் தகவல் அறிக்கையின் (FIR) அடிப்படையில், பணமோசடி தடுப்புச் சட்டத்தின் (PMLA) கீழ் அமலாக்கத்துறை இந்த விசாரணையைத் தொடங்கியது.
டெல்லி, கோவா, மகாராஷ்டிரா, கேரளா, தமிழ்நாடு, கர்நாடகா மற்றும் ஒடிசா ஆகிய 7 மாநிலங்களில் உள்ள முக்கிய இடங்களில் அதிகாரிகள் ஒரே நேரத்தில் சோதனை நடத்தினர்.
இதில், போதைப்பொருள் விற்பனை மூலம் ஈட்டப்பட்ட பெருமளவிலான ரொக்கப் பணம், கஞ்சா உள்ளிட்ட போதைப்பொருட்கள் மற்றும் முக்கிய ஆவணங்களை அதிகாரிகள் கைப்பற்றியுள்ளனர்.
விசாரணையில், இந்தக் கும்பல் போதைப்பொருட்களைக் கடத்த கூரியர் மற்றும் தபால் சேவைகளைப் பயன்படுத்தியதும், பணப் பரிமாற்றத்திற்காக கிரிப்டோகரன்சி மற்றும் யுபிஐ (UPI) தளங்களைப் பயன்படுத்தியதும் தெரியவந்துள்ளது.
MDMA, கோகோயின் மற்றும் ஹாஷ் போன்ற போதைப்பொருட்கள் மாநிலங்களுக்கு இடையே சட்டவிரோதமாகக் கடத்தப்பட்டு, அதன் மூலம் கிடைக்கும் பணம் சட்டவிரோதப் பணப் பரிமாற்றச் சேனல்கள் வழியாக மாற்றப்பட்டுள்ளது.
Jan 16, 2026 10:08 PM IST
