படிப்படியாக உயரும்  பீன்ஸ் விலை… அதிர்ச்சியில் பொதுமக்கள்

சென்னை கோயம்பேடு காய்கறி சந்தையில், கர்நாடகாவில் நிலவும் தண்ணீர் பஞ்சம் காரணமாக பீன்ஸ் விளைச்சல் குறைந்துள்ளதால், சென்னை கோயம்பேடு சந்தைக்கு பீன்ஸ் வரத்து குறைவாக வருகிறது. இதன் காரணமாக சென்னை கோயம்பேடு மார்க்கெட்டில் ஒரு கிலோ பீன்ஸ் 200 ரூபாய்க்கு விற்கப்படுகிறது.

அந்த வகையில் விழுப்புரம் மாவட்டம் காய்கறி சந்தையில், ஒரு மாதத்திற்கு முன்பு 40 ரூபாய்க்கு விற்கப்பட்ட பீன்ஸ், கடந்த வாரம் 140 ரூபாய்க்கு விற்பனை செய்யப்பட்டது. அதுவே இந்த வாரம் படிப்படியாக விலை உயர்ந்து கிலோ 180 முதல் 200 ரூபாய்க்கு பீன்ஸ் விற்கப்படுகிறது. கடும் வெயில் காரணமாக கோயம்பேடு சந்தைக்கு காய்கறி வரத்து குறைந்துள்ளதாலும், விளைச்சல் மற்றும் வரத்து குறைவு காரணமாக விலை உயர்ந்துள்ளது என விழுப்புரம் காய்கறி சந்தை வியாபாரிகள் தெரிவித்தனர்.

விழுப்புரம் காய்கறி சந்தைகளில் இருக்கும் கடைகளுக்கு குறைந்த பட்சம் ஒரு கடைக்கு 800 கிலோ வரை பீன்ஸ் வரும். ஆனால் தற்போது வரத்து குறைவு காரணமாக ஒரு கடைக்கு 750 கிலோ வரை தான் பீன்ஸ் காய்கறி வருகிறது.

சைவ உணவு உண்பதால் கிடைக்கும் சிறந்த 8 ஆரோக்கிய நன்மைகள்.!
மேலும் செய்திகள்…