பக்கிங்ஹாம் அரண்மனை தகவல் – News18 தமிழ்

புற்றுநோயால் பாதிக்கப்பட்டுள்ளது உறுதி செய்யப்பட்டுள்ள நிலையில் பிரிட்டன் மன்னர் சார்லஸை பொது நிகழ்ச்சிகளில் பங்கேற்க வேண்டாம் என மருத்துவர்கள் அறிவுறுத்தியுள்ளனர்.

இங்கிலாந்தில் ராணி இரண்டாம் எலிசபெத் கடந்த 2022ஆம் ஆண்டில் உயிரிழந்ததை அடுத்து மன்னராக மகன் மூன்றாம் சார்லஸ் பொறுப்பேற்றார். அண்மையில் அவருக்கு புரோஸ்டேட் சுரப்பி வீக்கம் அடைந்ததால் மருத்துவமனையில் சிகிச்சை பெற்று வந்தார். இந்த நிலையில் புரோஸ்டேட் புற்றுநோய் பாதிப்பு கண்டறியப்பட்டுள்ளது.

இது தொடர்பாக பக்கிங்காம் அரண்மனையில் வெளியிட்டுள்ள அறிக்கையில், புரோஸ்டேட் சிகிச்சைகாக மருத்துவ பரிசோதனைகள் நடைபெற்ற போது அவருக்கு புற்றுநோய் பாதிப்பு இருப்பது கண்டறியப்பட்டதாகவும், இதையடுத்து அதற்கான மருத்துவ சிகிச்சை தொடங்கப்பட்டுள்ளதாகவும் தெரிவிக்கப்பட்டுள்ளது.

பொது நிகழ்ச்சிகளில் மன்னர் சார்லஸ் பங்கேற்க வேண்டாம் என மருத்துவர்கள் பரிந்துரைத்துள்ளனர். அதே நேரத்தில் தனது வழக்கமான மற்ற பணிகளை மன்னர் மேற்கொள்வார் என்றும் மன்னர், விரைவில் பொது வாழ்வுக்கு திரும்புவார் என்றும் பக்கிங்காம் அரண்மனை கூறியுள்ளது. இந்நிலையில், அமெரிக்காவில் பிரிந்து வாழும் மகன் ஹேரி, மன்னர் சார்லஸின் உடல்நலம் குறித்து விசாரிப்பதற்காக விரைவில் லண்டன் திரும்ப உள்ளதாக தகவல் வெளியாகியுள்ளது.

இதையும் படிங்க: ஞானவாபி மசூதியில் ரகசிய அறைகள்..? தொல்லியல் துறை ஆய்வு நடத்த கோரிய மனு இன்று விசாரணை…

இதையடுத்து, 75 வயதான மூன்றாம் சார்லஸ் விரைந்து குணமடைய வேண்டும் என பொதுமக்களும், பல்வேறு நாட்டு அரசியல் தலைவர்களும் சமூக வலைதளங்களில் பதிவுகளை வெளியிட்டு வருகின்றனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…