நெருங்கும் தீபாவளி பண்டிகை.. பட்டாசு விலை உயரும் அபாயம்.. உற்பத்தியாளர்கள் சொன்ன ஷாக் தகவல்! | வணிகச் செய்திகள்

இந்நிலையில் மேற்கு ஆசிய நாடுகளின் போர் பதற்றம் காரணமாக கச்சா எண்ணெய் தட்டுப்பாடு மற்றும் விலை உயர்வினால் பட்டாசு தயாரிக்கத் தேவையான முக்கிய மூலப் பொருட்களின் விலைகளும் கணிசமான அளவுக்கு உயர்ந்துள்ளது. அதனைத் தொடர்ந்து டீசல் விலை உயர்வினால் 25 சதவீதம் வரை லாரி வாடகையை உயர்த்தி தமிழ்நாடு லாரி உரிமையாளர்கள் சம்மேளனம் அறிவித்துள்ளது. லாரி சம்மேளனத்தின் இந்த திடீர் அறிவிப்பு பட்டாசு உற்பத்தியாளர்களிடையே பெரும் அதிர்ச்சியை ஏற்படுத்தியுள்ளது.

மேலும் ஏற்கனவே போர்ப் பதற்றம் காரணமாக பட்டாசு உற்பத்தி மூலப்பொருட்களின் விலை உயர்வு, அரையிறுதி சீசனில் வட மாநிலங்களில் போதிய அளவிலான பட்டாசு விற்பனை இல்லாமை போன்ற காரணங்களுடன், தற்போது லாரி வாடகை உயர்வும் பட்டாசுத் தொழிலை முடக்கியுள்ளது. எனவே கடந்தாண்டின்(2025) தீபாவளிப் பண்டிகைப் பட்டாசு விற்பனை விலையை விட நடப்பாண்டில்( 2026) தீபாவளிக் கொண்டாட்டப் பட்டாசுகளின் விலை 25 சதவீதம் வரை விலை உயர்வு இருக்குமென பட்டாசு தயாரிப்பாளர்கள் தரப்பில் தெரிவிக்கப்பட்டுள்ளது.