Last Updated:
Judge Appointment Reservation | காணொலிக் காட்சி மூலம் வழக்கு விசாரணை நடைபெற்றால் வழக்கு தாமதமாகாது என்றும் வழக்கு நடத்துவதற்கான செலவுகள் குறையும் என்றும் வில்சன் தெரிவித்தார்.
உச்சநீதிமன்றம் மற்றும் உயர்நீதிமன்றங்களில் நீதிபதிகள் நியமனத்தில் இடஒதுக்கீடு முறையை அமல்படுத்தும் வகையில், தனி நபர் மசோதாவை திமுக மாநிலங்களவை உறுப்பினர் வில்சன் தாக்கல் செய்தார்.
மாநிலங்களவையில் இந்த மசோதாவை அறிமுகப்படுத்தி பேசிய அவர், உயர்நீதிமன்றங்கள் மற்றும் உச்சநீதிமன்றத்தில் நீதிபதிகள் நியமனம் வெளிப்படைத்தன்மையாக இருக்க வேண்டும் என்றும்,
பிற்படுத்தப்பட்ட, பட்டியல் மற்றும் பழங்குடியினர் வகுப்புகளை சேர்ந்த மக்கள் தொகைக்கு ஏற்ப நீதிபதிகள் நியமிக்கப்பட வேண்டும் என்றும் வலியுறுத்தினார்.
இதேபோல், நாடு முழுவதும் அனைத்து நீதிமன்றங்கள் மற்றும் தீர்ப்பாயங்களில் காணொலிக் காட்சி மூலம் வழக்கு விசாரணை நடத்துவதை உறுதி செய்யும் வகையிலான தனி நபர் மசோதாவையும் வில்சன் அறிமுகம் செய்தார்.
