பெரிகத்தான் தேசியத் தலைவர் முகிடின் யாசின் பொதுமக்களின் நம்பிக்கையைச் சிதைக்கும் வகையில் ஆபத்தான மற்றும் ஆதாரமற்ற கதையைப் பரப்புவதாக பிகேஆர் இளைஞர் தலைவர் கமில் அப்துல் முனிம் குற்றம் சாட்டியுள்ளார்.
பிரதமர் அன்வார் இப்ராஹிம் தனிப்பட்ட சட்ட சிக்கல்களை எதிர்கொள்ளும் வரை, நீதித்துறை சுதந்திரம் சமரசம் செய்யப்படும் என்ற முகிடினின் கூற்றை அவர் குறிப்பிடுகிறார்.
கமில் (மேலே, வலது புறம்) இந்தக் குற்றச்சாட்டை “காட்டுத்தனமானது” என்று நிராகரித்தார், மேலும் பதவியில் இருக்கும் பிரதமரோ அல்லது எந்தவொரு மூத்த நபரோ சட்ட நடவடிக்கைகளுக்கு உட்படுத்தப்படலாம் என்பது உண்மையில், நீதித்துறை சுதந்திரம் உயிருடன் இருப்பதற்கான தெளிவான அறிகுறியாகும் என்று சுட்டிக்காட்டினார்.
“சட்டத்திற்கு அப்பாற்பட்டவர்கள் யாரும் இல்லை என்பதையும், சட்டத்தின் ஆட்சி நிலைநிறுத்தப்படுகிறது என்பதையும் இது நிரூபிக்கிறது. உண்மையிலேயே சுதந்திரமான நீதித்துறை, யார் சம்பந்தப்பட்டிருந்தாலும், நிர்வாகத்தின் குறுக்கீடு இல்லாமல் சட்ட செயல்முறைகளைத் தொடர அனுமதிக்கும்”.
“பல எம்.பி.க்களின் அறிக்கைகளைப் பயன்படுத்திக் கொள்ளும் முகிடின் நடவடிக்கை, கலங்கிய நீரில் மீன் பிடிக்கும் முயற்சியைத் தவிர வேறில்லை”.
“எந்தவொரு அரசாங்க எம்.பி.யின் கருத்துகளையும் பிரதமர்மீதான நம்பிக்கை இழப்பாகக் கருத முடியாது,” என்று அவர் கூறினார். நீதித்துறையில் ராயல் விசாரணை ஆணையம் (RCI) அமைக்கப்பட வேண்டும் என்றும், நீதித்துறை தலையீட்டை விசாரிக்க நிறுவன சீர்திருத்தங்கள்குறித்த நாடாளுமன்ற சிறப்புத் தேர்வுக் குழுவை அமைக்க வேண்டும் என்றும் ஒன்பது பிகேஆர் சட்டமன்ற உறுப்பினர்கள் வலியுறுத்தினர்.
மடானி அரசாங்கத்தின் கீழ், ஏராளமான அரசாங்க நாடாளுமன்ற உறுப்பினர்கள் பல்வேறு கொள்கைகள் மற்றும் முடிவுகள்குறித்து தங்கள் கருத்துக்களையும் விமர்சனங்களையும் வெளிப்படையாக வெளிப்படுத்தியுள்ளனர் என்று கமில் குறிப்பிட்டார்.
செயல்படும் ஜனநாயகத்தின் பின்னணியில் மாறுபட்ட கருத்துக்களை அங்கீகரித்துக் கொண்டாடும் அரசாங்கத்தின் வலிமைக்கு இது தெளிவான சான்றாகும்-ஒரு காலத்தில் எதிர்க்கட்சி எம். பி. க்களை எதிர்கொள்ளத் தைரியம் இல்லாததால் நாடாளுமன்றத்தை மூடத் தேர்ந்தெடுத்த முஹைதீனிலிருந்து வெகுதொலைவில் உள்ளது.
“எனவே, இது போன்ற வெளிப்படையான கருத்து வேறுபாடுகள் இயல்பானவை மற்றும் மடானி அரசாங்கத்தால் வெளிப்படையாக ஏற்றுக்கொள்ளப்படுகின்றன, இது அரசியல் முதிர்ச்சிக்கான உறுதிப்பாட்டை பிரதிபலிக்கிறது. அத்தகைய கலாச்சாரம் முகிடின் தலைமையிலான குழுவிற்கு தெளிவாக அந்நியமானது, அதனால் தான் அவர் மாறுபட்ட விளக்கங்களை அளிக்கிறார்,” என்று கூறினார்
மேலோட்டமான விளக்கம்
யூசோஃப் ராவ்தரின் சிவில் வழக்கு தொடர்பாக எட்டு அரசியலமைப்பு கேள்விகளைக் கூட்டரசு நீதிமன்றத்திற்கு பரிந்துரைக்க அன்வாரின் விண்ணப்பத்தைப் பொறுத்தவரை, கூட்டரசு நீதிமன்றத்திடமிருந்து தெளிவுபடுத்தல் அல்லது அரசியலமைப்பு விளக்கத்தைப் பெறுவது எந்தவொரு தனிநபரின் சட்டப்பூர்வ உரிமை என்று பிகேஆர் இளைஞர் தலைவர் கூறினார்.
இதை ‘முன்னெப்போதும் இல்லாதது’ அல்லது ‘தெளிவான நலன்களின் முரண்பாடு’ என்று முத்திரை குத்துவது ஒரு மேலோட்டமான விளக்கத்தைப் பிரதிபலிக்கிறது, மேலும் ஒரு நாடாளுமன்ற உறுப்பினராக, முகிடின் நம் சட்ட அமைப்பின் அடிப்படைக் அம்சங்களைப் புரிந்து கொள்ளத் தவறிவிட்டார். அவரைப் போன்ற ஒரு மூத்த சட்டமன்ற உறுப்பினர் இப்படியொரு அறிக்கையை வெளியிடுவது வெட்கக்கேடானது மற்றும் பொருத்தமற்றது.
“இன்றுவரை, நீதித்துறை நிர்வாகம் தொடர்பான எந்தவொரு சட்ட விதிகளிலும் பிரதமர் தலையிட்டார் அல்லது மீறியதற்கான எந்த ஆதாரமும் இல்லை,” என்று கமில் மேலும் கூறினார்.
