நியூசிலாந்து ஒருநாள் தொடருக்கான இந்திய அணி அறிவிப்பு.. சீனியர்-ஜூனியர் பலத்துடன் களமிறங்கும் சுப்மன் கில் டீம்! | விளையாட்டு

நியூசிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு மூன்று ஒருநாள் கிரிக்கெட் போட்டிகள் மற்றும் ஐந்து 20 ஓவர் போட்டிகள் கொண்ட தொடரில் பங்கேற்க உள்ளது.

ஒருநாள் தொடரானது ஜனவரி 11-ஆம் தேதி வதோதராவில் நடைபெறும் முதல் போட்டியுடன் தொடங்குகிறது. இதனைத் தொடர்ந்து, இரண்டாவது ஒருநாள் போட்டி ஜனவரி 14-ஆம் தேதி ராஜ்கோட்டிலும், மூன்றாவது மற்றும் இறுதி ஒருநாள் போட்டி ஜனவரி 18-ஆம் தேதி இந்தூரிலும் நடைபெறவுள்ளன. அனைத்து ஒருநாள் போட்டிகளும் இந்திய நேரப்படி மதியம் 1:30 மணிக்குத் தொடங்கும்.

இதனைத் தொடர்ந்து நடைபெறும் டி20 தொடர் ஜனவரி 21-ஆம் தேதி நாக்பூரில் தொடங்கும். அடுத்தடுத்த போட்டிகள் ஜனவரி 23-ஆம் தேதி ராய்ப்பூரிலும், ஜனவரி 25-ஆம் தேதி குவஹாத்தியிலும், ஜனவரி 28-ஆம் தேதி விசாகப்பட்டினத்திலும் நடைபெறும். இந்தத் தொடரின் கடைசி டி20 போட்டி ஜனவரி 31-ஆம் தேதி திருவனந்தபுரத்தில் நடத்தப்பட உள்ளது. டி20 போட்டிகள் அனைத்தும் இரவு 7:00 மணிக்குத் தொடங்கும் வகையில் திட்டமிடப்பட்டுள்ளது.