நாளை இடைக்கால பட்ஜெட் தாக்கல் செய்கிறார் நிதியமைச்சர் தங்கம் தென்னரசு… வெளியாகும் முக்கிய அறிவிப்புகள்! | வணிகச் செய்திகள்

தமிழக சட்டப்பேரவையின் இந்த ஆண்டு முதல் கூட்டம் கடந்த ஜனவரி 20-ம் தேதி தொடங்கியது. ஆளுநர் ஆர்.என்.ரவி, தமிழ்நாடு அரசின் உரையை வாசிக்காமல் பேரவையை விட்டு வெளியேறினார்.

இதைத்தொடர்ந்து ஆளுநர் உரையின் தமிழாக்கத்தை சட்டப்பேரவை சபாநாயகர் அப்பாவு வாசித்தார். இதையடுத்து ஆளுநர் உரைக்கு நன்றி தெரிவிக்கும் தீர்மானம் மீதான விவாதம் 22-ம் தேதி தொடங்கிய நிலையில் முதலமைச்சர் மு.க.ஸ்டாலினின் பதிலுரைக்கு பிறகு தேதி குறிப்பிடாமல் சட்டப்பேரவை ஒத்திவைக்கப்பட்டது.

இந்நிலையில் தமிழ்நாடு அரசின் 2026- 2027ஆம் நிதி ஆண்டுக்கான இடைக்கால பட்ஜெட் சட்டப்பேரவையில் நாளை தாக்கல் செய்யப்படுகிறது.

இதையடுத்து 20ஆம் தேதி 2026-2027 ஆம் ஆண்டுக்கான முன்பண மானிய கோரிக்கையும், 2025-26-ம் ஆண்டுக்கான கூடுதல் செலவின மானிய கோரிக்கையும் தாக்கல் செய்யப்படுகின்றன.