“நான் ராஜா அல்ல; மன்னர் என்ற கருத்துக்கே எதிரானவன்” – ராகுல் காந்தி | இந்தியா

மாநாட்டில் பங்கேற்று பேசிய ராகுல் காந்தி, நாடாளுமன்ற தேர்தலில் மோசடி நடந்திருப்பதாகக் குற்றம்சாட்டினார். தங்களிடம் அனைத்து ஆதாரங்களும் இருப்பதாகவும், இந்திய தேர்தல் ஆணையம் ஏற்கனவே இறந்துவிட்டதாகவும் சாடினார்.

குறிப்பாக 2024 நாடாளுமன்ற தேர்தலில் பெரும் முறைகேடு நடந்துள்ளது என குற்றம்சாட்டிய ராகுல் காந்தி, “குறைந்தபட்சம் 15 தொகுதிகளில் இருந்து அதிகபட்சமாக 100 தொகுதிகள் வரை முறைகேடு நடந்திருக்கலாம் எனவும், அடுத்த ஓரிரு நாட்களில் இதற்கான ஆதாரம் வெளியிடப்படும் எனவும் தெரிவித்தார்.

இதனிடையே, ராகுல் காந்தி பேசிக் கொண்டிருந்தபோது, ‘ராஜா’ என்றால் அவர் ராகுல் போலதான் இருக்க வேண்டும் என அங்கிருந்தவர்கள் கூச்சலிட்டனர். அப்போது, தன்னை ராஜா என அழைக்க வேண்டாம் என ராகுல் காந்தி கேட்டுக் கொண்டார்.