நண்பனை சுட்டுவீழ்த்திய வயதானவரும் தன் உயிரை மாய்த்துக்கொண்டார்!

{ old man killed friend killed life }

மலேசியா: நேற்றிரவு கம்போங் கோவிலுள்ள ஓர் உணவகம் அருகே, ஆடவர் ஒருவர் தனது நண்பரை துப்பாக்கியால் சுட்டுக் கொன்றுவிட்டு, அவரும் தன்னைத் தானே சுட்டு தனது உயிரை மாய்த்துக் கொண்டுள்ளார்.

கருத்து வேறுபாடு காரணமாக இருவருக்கும் இடையில் வாக்குவாதம் ஏற்பட 62 வயது சூ பான் ஹூ, தன்னிடமிருந்த துப்பாக்கியை எடுத்து, 66 வயது லிங் லூ கிங்கை பல முறை சுட்டிருக்கின்றார்.

அதன் பிறகு அங்கிருந்து சென்றுவிட்ட சூ பான் ஹூ, சம்பவ இடத்தில் இருந்து 10 கிலோமீட்டர் தூரத்தில் தனது காரிலேயே இறந்து கிடக்கக் காணப்பட்டுள்ளார். அவரது தலையில் துப்பாக்கிச் சூட்டுக் காயம் இருந்ததாக போலீசார் தெரிவித்துள்ளார்.

நேற்றிரவு மணி 11 அளவில் நிகழ்ந்த இந்த சம்பவம் குறித்த படங்களும் காணொளிகளும் சமூக ஊடகங்களில் பரவலாகப் பகிரப்பட்டு வருகின்றன. அவ்வாறு பகிர்வதை உடனடியாக நிறுத்திக் கொள்ளுமாறு போலீஸ் தரப்பு பொதுமக்களைக் கேட்டுக்கொண்டுள்ளது.