பட்டர்வொர்த்: ஏப்ரல் 25 அன்று தொழில்முனைவோரின் வீட்டை உடைத்த வழக்கில் விசாரணைக்கு உதவுவதற்காக இரண்டு பெண்கள் உட்பட நான்கு நபர்கள் ஜூன் 11 வரை ஆறு நாட்கள் காவலில் வைக்கப்பட்டுள்ளனர். வியாழன் (ஜூன் 6) காலை 9 மணி முதல் 10 மணி வரை கோலாலம்பூரில் உள்ள ஜாலான் டூத்தாவில் 20 முதல் 27 வயதுக்குட்பட்ட அனைத்து சந்தேக நபர்களும் கைது செய்யப்பட்டதாக வடக்கு செபராங் பிறை காவல்துறட் சுல்கிப்ளி சுலைமான் தெரிவித்தார்.
மேலும் அந்த 40,000 ரிங்கிட் மதிப்புள்ள நகைகளையும் போலீசார் பறிமுதல் செய்தனர். அவர்கள் கைது செய்யப்பட்ட போது, நாங்கள் ரிங்கிட் 40,000 மதிப்புள்ள திருடப்பட்ட நகைகளை மட்டுமே கைப்பற்ற முடிந்தது. அவை சந்தேக நபரால் விற்கப்பட்டதாக நாங்கள் நம்புகிறோம்” என்று வியாழனன்று (ஜூன் 6) சுல்கிப்ளி கூறியதாக சினார் ஹரியன் செய்தி வெளியிட்டிருந்தது.
இருப்பினும், நான்கு சந்தேக நபர்கள் மீதான விசாரணை இன்னும் நடந்து கொண்டிருக்கிறது. மேலும் விசாரணையில் உதவ அவர்கள் ஆறு நாட்களுக்கு விளக்கமறியலில் வைக்கப்படுவார்கள். இன்றுவரை, சந்தேகத்திற்குரிய நான்கு பேரின் உறவை அவர்கள் காதலர்களா அல்லது கணவன் மனைவியா என்பது கண்டறியப்படவில்லை.
வீட்டை உடைத்ததற்காக குற்றவியல் சட்டம் பிரிவு 457ன் கீழ் வழக்குப்பதிவு செய்யப்பட்டு விசாரணை நடைபெற்று வருகிறது. கடந்த ஏப்ரலில் கப்பாளா பத்தாஸில் உள்ள அவரது வீடு உடைக்கப்பட்டதில் தொழில்முனைவோருக்கு RM800,000 இழப்பு ஏற்பட்டதாக தெரிவிக்கப்பட்டது. இதனை Kleda Crepe உரிமையாளர் Siti Nur Khalieda Yusra கடந்த ஞாயிற்றுக்கிழமை (ஜூன் 2) பல சமூக ஊடக தளங்களில், சம்பவம் நடந்து 40 நாட்களுக்குப் பிறகு வெளிப்படுத்தினார்.
