தொடரை வென்று விட்டோம்.. இனி புதிய வீரர்களுக்கு வாய்ப்பளிக்க வேண்டும்.. ஆகாஷ் சோப்ரா வலியுறுத்தல்..  | கிரிக்கெட் செய்திகள்

இந்த நிலையில் இன்று மூன்றாவது T20 போட்டி ஹராரே மைதானத்தில் நடைபெறவுள்ளது. ஏற்கனவே இந்திய அணி தொடரைக் கைப்பற்றிவிட்டதால், பிளேயிங் லெவனில் (Playing XI) மாற்றம் செய்து இளம் வீரர்களுக்கு வாய்ப்பளிக்க வேண்டும் என்ற கோரிக்கைகள் எழுந்துள்ளன.

இந்திய அணியின் முன்னாள் தொடக்க ஆட்டக்காரரும் பிரபல கிரிக்கெட் விமர்சகருமான ஆகாஷ் சோப்ரா, 3வது T20 போட்டியில் விக்கெட் கீப்பர் பேட்டர் பிரப்சிம்ரன் சிங்கிற்கு (Prabhsimran Singh) வாய்ப்பு வழங்க வேண்டும் என்று வலியுறுத்தியுள்ளார்.

தனது யூடியூப் பக்கத்தில் இது குறித்துப் பேசிய ஆகாஷ் சோப்ரா, “பிரப்சிம்ரன் சிங் என்ன தவறு செய்தார்? அவருக்கு ஏன் இதுவரை விளையாடும் வாய்ப்பு வழங்கப்படவில்லை?” என்று கேள்வி எழுப்பியுள்ளார்.

தொடரை ஏற்கனவே வென்றுவிட்ட நிலையில், அணியின் முக்கிய வீரர்களுக்கு ஓய்வளித்துவிட்டு, பிரப்சிம்ரன் சிங் போன்ற இளம் திறமையாளர்களுக்குத் தங்களை நிரூபிக்க வாய்ப்பளிக்க வேண்டும் என்பதே அவரது முக்கியக் கருத்தாகும். தொடரின் கடைசி போட்டியில் இந்திய அணி நிர்வாகம் என்ன மாதிரியான முடிவை எடுக்கப் போகிறது என்பதை ரசிகர்கள் ஆவலுடன் எதிர்பார்த்துக் கொண்டிருக்கின்றனர்.