தைவானுக்கு எதிராக சீனாவின் டிஜிட்டல் தாக்குதல்: ‘பாட்’ நெட்வொர்க்குகள் மூலம் சதி… | உலகம்

சீனா நூற்றுக்கணக்கான போலி செய்தி இணையதளங்களையும், தானியங்கி கணினி மென்பொருள்களான ‘பாட்’ (Bot) நெட்வொர்க்குகளையும் பயன்படுத்தி வருகிறது. இவை தைவான் அரசுக்கு எதிராகத் தவறான தகவல்களைப் பரப்பப் பயன்படுத்தப்படுகின்றன.

இந்த போரானது தைவானுக்கு எதிராக நேரடியாக ஆயுதங்களைக் கொண்டு நடத்தப்படும் போர் அல்ல. மாறாக, மக்களின் சிந்தனை, உணர்ச்சிகள் மற்றும் மனநிலையைக் குறிவைத்து நடத்தப்படும் போர். தவறான தகவல்களையும், பொய்ப் பிரச்சாரங்களையும் தொடர்ச்சியாகப் பரப்புவதன் மூலம் மக்களிடையே குழப்பத்தையும், அரசு மீது நம்பிக்கையின்மையையும் ஏற்படுத்துவதே இதன் நோக்கம்.

தைவானின் தேசிய பாதுகாப்பு பணியகம் வெளியிட்டுள்ள தகவலின்படி, 2024-2025 காலகட்டத்தில் சீனாவிடமிருந்து வரும் இத்தகைய தாக்குதல்கள் பல மடங்கு அதிகரித்துள்ளன. குறிப்பாக, பேஸ்புக், டிக்டாக் மற்றும் X (ட்விட்டர்) போன்ற சமூக வலைதளங்களில் போலி கணக்குகள் மூலம் விஷமத்தனமான கருத்துகள் பரப்பப்படுகின்றன.

AI மற்றும் டீப்ஃபேக் போன்ற தொழில்நுட்பத்தை பயன்படுத்தி அரசியல் தலைவர்கள் பேசாத விஷயங்களைப் பேசியது போல போலியாக வீடியோக்களை உருவாக்கிப் பரப்புகின்றனர்.

மக்களின் விருப்பங்கள் மற்றும் செயல்பாடுகளை ஆராய்ந்து, அவர்களுக்கு ஏற்றவாறு மனமாற்றத்தை ஏற்படுத்தும் தகவல்களை ஆட்டோ மேட்டிக்காக அனுப்புகின்றனர்.

Click here to add News18 as your preferred news source on Google.

கூகுள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள். புவிசார் அரசியல் முதல் ராஜதந்திரம் மற்றும் உலகளாவிய போக்குகள் வரை அனைத்து சமீபத்திய செய்திகளையும் பெறுங்கள், விரிவான அலசல்கள் மற்றும் நிபுணர்களின் பார்வைகளைப் பெறுங்கள். நியூஸ்18 தமிழில் மட்டுமே சமீபத்திய உலகச் செய்திகளுடன் தொடர்ந்து தெரிந்துகொள்ளுங்கள்.