Last Updated:
ஆஸ்திரேலியா தென் ஆப்ரிக்காவை எதிர்த்து கடைசி டி20 போட்டியில் த்ரில் வெற்றி பெற்று தொடரை 2-1 என கைப்பற்றியது. மேக்ஸ்வெல் ஆட்ட நாயகனாகவும், டிம் டேவிட் தொடர் நாயகனாகவும் தேர்வு செய்யப்பட்டனர்.
தென் ஆப்ரிக்காவிற்கு எதிரான கடைசி டி20 போட்டியில் ஆஸ்திரேலிய அணி த்ரில் வெற்றி பெற்றுள்ளது. இதன்மூலம், 2-1 என்ற கணக்கில் தொடரை கைப்பற்றி ஆஸ்திரேலிய அணி அசத்தியுள்ளது.
தென்ஆப்ரிக்க அணி, ஆஸ்திரேலியாவில் சுற்றுப்பயணம் மேற்கொண்டு மூன்று போட்டிகள் கொண்ட டி20 கிரிக்கெட் தொடரில் விளையாடியது. முதல் இரண்டு போட்டிகளில் இரு அணிகளும் தலா ஒரு வெற்றியை பதிவு செய்திருந்ததால், தொடரை தீர்மானிக்கக் கூடிய மூன்றாவது போட்டி காரின்ஸ் மைதானத்தில் நடைபெற்றது.
இதில் டாஸ் வென்ற ஆஸ்திரேலிய அணி பந்துவீச்சை தேர்வு செய்த நிலையில், தென் ஆப்ரிக்க அணி 20 ஓவர்களில் 172 ரன்கள் குவித்தது. சிஎஸ்கே வீரர் ப்ரெவிஸ் அரைசதம் விளாசினார். அதிலும் பந்தை பார்க்காமலே 3 சிக்ஸர்களை விளாசி ப்ரெவிஸ் ரசிகர்களை ஈர்த்தார்.
இதையடுத்து 173 ரன்களை இலக்காகக் கொண்டு களமிறங்கிய ஆஸ்திரேலிய அணியில் மேக்ஸ்வெல் கடைசி வரை ஆட்டமிழக்காமல் 62 ரன்கள் சேர்த்து அணியை வெற்றி பெறச்செய்தார். அவருக்கு உறுதுணையாக மிட்சேல் மார்ஷ் 54 ரன்கள் குவித்தார். இறுதியில் ஒரு பந்து மீதமிருக்கும் போது, த்ரில் வெற்றி பெற்ற ஆஸ்திரேலியா தொடரை 2-1 என கைப்பற்றி அசத்தியது. ஆட்ட நாயகனாக மேக்ஸ்வெலும் தொடர் நாயகனாக டிம் டேவிட்டும் தேர்வு செய்யப்பட்டனர்.
இதனைத் தொடர்ந்து, இரு அணிகளுக்கும் இடையிலான மூன்று போட்டிகளைக் கொண்ட ஒரு நாள் தொடர், வரும் 19ஆம் தேதி தொடங்குகிறது.
Chennai [Madras],Chennai,Tamil Nadu
August 16, 2025 9:46 PM IST
